【土瓜灣｜🥰充滿人情味👥有驚喜既西日式小店🇯🇵】

偶爾都會去土瓜灣發掘下隱世小店❣️ 今次都唔例外，拜訪左一間西日式餐廳✨ 地鐵站行過去5分鐘左右就到，好方便😆 餐廳內既佈置超有驚喜呢！ 首先係見到大大隻Spiderman🕷️💫同一個真人既size係一樣架！必須打卡🤭📸 仲有好多唔同動漫figure、和風燈籠🏮好有心思💕 餐廳內仲有一間小房子，啱晒一班人傾計聚餐，私隱度高😍仲有靚靚既富士山壁畫陪住食野🗻超正🩵 另外，老闆真係超nice🥰會介紹d食物俾我地，又同我地傾吓計，服務好好👍🏻第一次黎已經感受到呢度既人情味💗 老闆話黎呢度食，冇限時，只希望大家盡情用餐🥹而家冇限時既餐廳真係買少見少😳 ❥ 章魚小丸子 $32 用炸既方式製成～食落外脆內軟😍 章魚彈牙有鮮味！ ❥ 天神玉子燒 $48 總共有6件，新鮮製成😚 用左日本蛋烹調，加上鰹魚汁，食落口感軟綿綿，蛋香味濃🧡 ❥ 南瓜蕃薯天婦羅 $30 ❥ 左口魚群邊天婦羅 $58 ❥ 龍躉粒粒天婦羅 $58 熱辣辣上枱♨️分別有大蝦、茄子、秋葵、南瓜天婦羅，炸到脆卜卜，食落唔會太膩👍🏻 ❥ 薄脆雞皮 $28 ❥ 雞肉脆脆棒配月見汁 $48 ❥ 燒白鱔 $48 雞皮好薄脆香口，送酒一流👍 雞肉棒肉嫩而且有碎軟骨既口感，可以撈埋溫泉蛋蛋黃一齊食！燒白鱔第一次食😍外層燒到好香，食落有鮮味👍🏻 ❥ 封門柳 $68 烹調得岩岩好，肉質好粉嫩，牛味香濃，咬落口多肉汁，而且好淋，咬落唔會乾爭爭🤣好食！ ❥ 吉列厚切豬鞍滑蛋丼飯 $148 份量十足既一碗丼飯🍚吉列豬扒勁大份又厚切🥳外皮香脆，肉質嫩滑，食落完全唔會韌，仲有juicy既感覺！配埋滑蛋、撈埋飯一齊食好滿足🥰 ❥ 特濃朱古力心太軟配雪糕 $78 心太軟表皮脆脆地，一切開暖笠笠既朱古力醬慢慢流出，做到流心效果👏 配埋軟滑既雲呢拿雪糕，冷熱交融，好食🤤💖 ❥ 天神特飲 $48 味道酸酸甜甜 好清新解渴🧡 ❥ 荔枝士多啤梨噴泉 $58 帶有啖啖荔枝士多啤梨果香味🍓😊 上面仲有一球雪糕 好清爽🍦 📍天神食堂 土瓜灣長寧街29號地舖 #土瓜灣美食#香港美食分享#香港美食推薦#日本餐廳#西日餐廳#日西料理#心太軟#打卡美食#打卡熱點#打卡餐廳#蜘蛛俠#日式丼飯#朋友聚餐 #UCreator#打卡美食#社群歎世界#素肌OK#打卡相我攞獎#您去玩我找數#香氣四溢