銅鑼灣炭火串燒🔥

今日同朋友過嚟銅鑼灣登龍街傾偈食串燒🍖知道上面有一間炭火串燒，而且專食雞嘅唔同部位，所以就想出去食。 🍞雞肝醬多士 $58 唔會腥，多士脆脆又有雞肝醬嘅味道幾好食。 ⭐️香脆雞皮配香蔥酸汁 $58 超級邪惡，脆脆嘅雞皮加上酸汁啱啱好中和啲油膩感。 🍢串燒 -味噌松板豬 $38 肉質鮮嫩多汁。 -雞腳筋 $32 感覺有啲似雞軟骨，但係其實係筋。 -雞胸軟骨 $34 初時驚會好硬，雖然佢睇落好大嚿，但係原來食落就係大嘅雞軟骨。 -雞心 $38 本身係想食提燈，但係朋友唔想所以最尾叫咗唯一嘅內臟就係雞心，我覺得都幾好食。 -雞腿 $42 估唔到咁juicy同滑！之後先知道原來呢一個係熟成雞肉，呢個可以再encore。 -椎茸免治雞肉 $38 係絞碎咗嘅雞肉同埋雞軟骨放喺冬菇上面炭火烤，好有口感。 -鹽燒牛舌芯 $58 肉質好彈牙，燒得啱啱好。 -鹽燒牛小排 $68 連埋青椒一齊食好好食。 -A4鹽燒和牛三角腩 $78 油脂感重，好香牛味。 -麻糬卷 $36 係煙肉包住年糕，我覺得再燒耐啲，年糕再軟身啲會更加好食。 -鵪鶉蛋卷 $38 外面豚肉入面係包住鵪鶉蛋，好夾。 -炭燒白鱔 $68 白鱔多肉juicy，有炭火香味，如果外皮脆一啲會好啲。 -濃香雞湯素麵 $58 雞湯味加上口感似陽春面嘅素麵同埋蛋花，不過我覺得黑椒落得略嫌太多，反而雞湯味再濃郁一啲更加好。 🍑冷泡白桃烏龍茶 $28 飲唔到酒嘅關係，所以我就叫咗白桃烏龍茶，呢杯好fresh有淡淡白桃味冇加糖啱晒我。 整體調味幾唔會太鹹、食物質素幾好、價錢喺銅鑼灣嚟講都合理，係值得大家聚會一齊去啤啤佢🍻 靚景指數：💛💛💛💛 好食指數：💛💛💛💛💛 抵食指數：💛💛💛💛 📍炭火地雞 地址: 銅鑼灣登龍街28號永光中心15樓 #世一千層蛋糕#2023必玩必食#社群時間囊