午市套餐好豐富

同家人慶祝生日想食特別啲嘅海鮮，去咗位於灣仔嘅Misu Seafood Cuisine食午餐，多款套餐由刺身、丼飯、海鮮焗飯、烏冬等都有，款式好多！每客午市套餐都包括野菜沙律、日式蒸蛋、湯、雪米糍，三文魚湯好足料 ▪️鮑魚汁鮮蜆焗黑松露雞飯 焗飯好有驚喜，鋪到滿滿都係蜆肉同雞件，雞肉以香草醬同黑松露醃製，外皮焗到好香脆，非常好食！下層嘅鮑魚汁焗飯都好出色，用上珍珠米粒更有口感，加入鮑魚汁味味道甜甜哋，撈勻黑松露食更添滋味 ▪️鮮蜆𩶘魚湯鳥冬 湯底每日以新鮮𩶘魚熬製超過五小時，魚湯呈奶白色，啖啖鮮味而且唔會有腥味！蜆係沙巴蜆，隻隻都好厚肉又鮮甜，配料仲有菇同娃娃菜，烏冬份量都多，口感彈牙，配上鮮魚湯味道好夾 🍴Misu Seafood Cuisine 📍灣仔皇后大道東202號QRE Plaza 26樓 #打卡美食#祝大家生日快樂#港島美食