觀塘性價比高過江拉麵🍜💰炸雞大塊鮮嫩多汁🤤🐔

再嚟挑戰日本過江龍～今次係號稱澀谷No1、同樣係位於觀塘嘅拉麵店俺流塩らーめん🍜 首先叫咗招牌俺流男盛拉麵（$99），上枱陣陣柚子香🍊唔知「男盛」係咪For「男性」嘅意思呢🤣🤣份量超！級！大！碗！！！ 除咗一個麵底，仲有兩塊叉燒、兩件炸雞、一堆蔥、荀、菠菜、柚子，同埋一隻完整嘅溏心蛋🫢講真吖，一個女仔真係有咩可能食得曬🤣🤣🤣Share再叫小食就差唔多 佢嘅叉燒肥瘦啱啱好🐷肉眼都見到有幾均勻，炸雞大隻厚肉，溏心蛋好流心👍🏼👍🏼係會爆出嚟嗰種🥰菠菜略嫌唔夾/太重菜味🫠不喜歡 鹽味湯底正常發揮，可能食開重口味，覺得可以再重手多少少🤔🤔 仲叫咗個辛辣熟成濃湯拉麵（$73）🌶️拉麵配料相對較少，得一塊叉燒🥲同埋配菜…湯底比起其他拉麵店唔算濃厚，但辣度足夠👌🏼 決定叫埋唐揚炸雞（$49/ 4件），上枱有點驚訝😀佢真係所有炸雞都同紙巾差唔多大細，可以話係好有誠意😋而且肉質鮮嫩多汁，真心唔錯 另外值得一讚嘅係自選拉麵硬度部份做得好好👍🏻揀咗一碗硬身一碗軟身，真係比到想要嘅嘢👍🏻 總括嚟講～我唔覺得佢係超好食拉麵，但絕對係性價比選擇😌尤其係男盛拉麵🤣 綜合評價（5分滿分）： 食物質素：🍜🍜🍜 環境：🍜🍜🍜🍜 性價比：🍜🍜🍜🍜 俺流塩らーめん (創紀之城五期(apm)) 📍 地址: 觀塘觀塘道418號創紀之城5期(apm)1樓L1-1號舖 #觀塘拉麵#觀塘日本菜#觀塘日式料理#日本過江龍#拉麵點評#拉麵推介#攻略#熱門菜式