先食鷄煲，幾款之中想食奇味鷄煲 ($180/半隻)，除了辣度可以選之外，連配料(芫茜洋蔥)都可以選擇份量，身為芫茜黨黨員嘅我表示開心 煮返熱就食得，未食已聞到香味。半隻鷄份量相當對眼，鷄件加埋惹味醬汁，走辣都好好味; 仲有其他配料如豬皮及爆炒過嘅薑片，正呀喂......... 嘆完個鷄煲，加湯就變火鍋時間，一煲兩食。食材選擇雖然無貴價海鮮，但其他食開嘅種類都有。 脆肉鯇魚骨腩 ($98) - 性價比相當高，脆肉鯇自己買都唔係平價，呢客份量幾咁多 腩位無細骨，咬落爽脆彈牙，有魚味。 鮮滑牛肉 ($58) - 火鍋唔一定要雪花肥牛，食呢碟較為健康D....哈哈 烚完都係咁滑溜，入口無負擔，無脂肪位，我鍾意。 加點綠.........萵荀 ($38)同皇帝菜 ($38)，前者軟硬度自己話事; 秋冬天就係要食皇帝菜，甜美嫩葉。 自選雙拼丸 ($68)，潮汕牛丸同貢丸，唔駛煩惱。 粒牛丸咬落結實又有肉汁流出，牛味相當出喎，真心好味。 茶餐廳環境有卡位坐，烚住睇電視，食得舒適。晚市設有加一服務費。#入秋美食#food #Hotpot #睇波必備