環境舒適甜品好食的台灣料理

喺旺角行街行到好攰，發現兆萬對面新開咗一間樓上台灣嘢就即刻跑去試吓🫣睇返價錢都好抵食set又包埋嘢飲，環境幾靚坐得都舒服✨ 🧋安平蝦卷滷肉飯便當+黑糖濃乳愛玉菓子$84 滷肉飯魯肉味比較濃配白飯就啱啱好，安平蝦卷熱辣辣。 黑糖濃乳愛玉菓子超級邪惡，但好rich，菓子煙煙韌韌，愛玉聽佢哋講係自家製，食落感覺好似蒟蒻啫喱。 🍜海苔銀魚椒麻拌麵+百香果愛玉菓子$83 魚仔炸到脆卜卜冇乜調味，個面有少少辣，如果配埋啲魚仔就啱啱好。百香果酸酸地朋友話呢杯好飲。 🍗鹽酥雞$48 有三大粒啖啖肉。 🍋檸檬白玉愛玉$42 我最鍾意呢個甜品，檸檬酸酸地又凍凍地，愛玉又係啫喱質感，最啱就係夏天食。 靚景指數：💛💛💛💛 好食指數：💛💛💛💛 抵食指數：💛💛💛💛 @3gong_hk 📍三公 旺角西洋菜南街2T號添置商業中心1樓 #食咗先講#熱門菜式