水準保持之日式火鍋

🔸️温野菜 📍九龍塘達之路80號又一城LG1樓LG1-29號舖 打邊爐愛好者﹐前兩日食完港式邊爐沙田頭火鍋﹐今日同朋友再戰日式火鍋溫野菜。 兩位食左$523 (金卡折後價) ﹐一人一窩﹐又可以選擇自己鍾意既湯底﹐唔洗爭。 我要左和牛湯﹐飲落係咸咸地﹐重牛味﹐上面有舊牛脂係度一直煲住佢。 朋友要左佢最愛既壽喜燒湯﹐最重要係加蛋﹐用黎點牛係一流既。 食物方面都叫左幾多野食😝 🗨 肉類: 美國牛頸脊﹐牛肋肉﹐牛胸腹肉2碟﹐宮琦黑毛和牛肩脊肉( 會員電子割引換) 🗨 海鮮類: 帶子及虎蝦( 會員用分數換) 🗨 丸類: 芥辣豬肉丸﹐芝士燒魚卷﹐年糕福袋﹐腐皮餃子 🗨 蔬菜類: 平菇﹐油麥菜﹐水菜 🗨 麵類: 寬條麵 食物全部細細碟﹐慢慢食﹐而且每次黎都係可以保持食物既質素係唔錯~ 黑毛和牛肩脊肉係超正啦， 個樣脂肪分佈均勻﹐用COUPON換都唔會比D差既肉﹐原價要$189架~ 而我覺得牛胸腹肉係好食既﹐最後ENCORE多一碟。 反而佢地既海鮮無太特別﹐芥辣豬肉丸﹐芝士燒魚卷都值得推介。温野菜都提供出面少見既菜類﹐日本直送﹐試下都唔錯。 最後加左個寬條麵做結尾﹐佢似厚身唔易爛既河粉﹐下次都係叫番烏冬先