Poke Go (深水埗) @pokego 喺深水埗幾受歡迎嘅一間poke bowl，店內裝修幾靚，位置唔算寬闊但都舒服，店員亦都幾有禮貌。佢哋個Menu幾簡單，有五款signature，亦都可以自選BUILD YOUR OWN BOWL，有選擇困難症嘅都可以揀已經配搭好嘅款式。 🌟808 $108 👉🏻吞拿魚，壽司飯，沙律菜，和式青蔥，枝仁豆，三文魚籽，雜菌香菇，山葵乳酪醬， 芝麻，木魚絲 呢款係半壽司飯半沙律菜底，分量啱啱好。山葵乳酪夾同吞拿魚幾夾，山葵味都幾重， 賣相顏色都幾吸引。 🌟ONO $98 👉🏻三文魚，壽司飯，溫室青瓜，雞蛋絲，皇帝蟹棒，果仁醬，芝麻 topping比較鍾意呢款，個醬汁味道偏向麻醬，容易入口，配埋青瓜味道清爽。呢個係全壽司飯，覺得份量有啲多。 🌟冷壓橙汁，🌟冷壓菠蘿汁 午市叫指定poke bowl仲有八款飲品可以揀，有熱有凍。我哋叫咗兩杯果汁，味道有啲甜 🌟梅凍番茄 $38 幾開胃幾好食，蕃茄裏面都好重梅味，酸酸甜甜咁。 . 📍深水埗大南街211號地舖 #社群時間囊