尋味泰國下午茶☕️ 約左好朋友去圓方嘅Mango Tree食下午茶☕️; Tea set以泰式輕食為主;鹹食都幾多!亦有我最愛嘅椰汁甜品🥥太啱我口味了!環境方面,超高樓底空間感十足,坐位對住個無敵大落地玻璃,仲可遠望海景!啱哂喺度邊傾計,邊嘆返個泰式下午茶! 🍰尋味泰國下午茶☕️ $468 for two persons 🌯頂層: 有最搶眼嘅冬蔭功雞尾酒大蝦🦐;蝦肉爽口彈牙,冬蔭公雞尾酒夠哂香辣;軟殼蟹柚子沙律🥗 有啖啖肉嘅軟殼蟹炸至金黃酥脆,蟹肉鮮味十足,配埋酸酸甜甜柚子沙律食,清新又開胃! 🍰中層:放滿泰式甜點,包括有芒果糯米飯🥭、椰汁西米糕🥥、士多啤梨西米丸子🍓同Macaron;我最愛嘅芒果糯米飯當然冇令我失望!芒果夠甜,配埋軟綿嘅糯米飯簡直冇得彈!另外士多啤梨西米丸子有D驚喜!食落口感幾特別,煙韌得黎又有士多啤梨嘅清香! 🥪底層:有比較飽肚D嘅泰式魚餅伴蒜蓉包、紫蘇葉辣炒豬肉碎撻、蘆筍蝦春卷同豬肉串燒伴糯米飯; 自家製泰式魚餅口感彈牙;配蒜容包好夾! 紫蘇葉辣炒豬肉碎撻就惹味又香口; 蘆筍蝦春卷,夾左大大條蘆筍嘅中間,令口感更新鮮; 豬肉串燒伴糯米飯嘅豬肉帶點香甜,而且肉質軟嫩,好好食! 🥤飲品方面,我揀左勁靚嘅Rose Apple Delight🌹玫瑰味清甜可口,朋友揀左同好港式嘅Ice-Lemon Tea!兩杯都唔錯! Mango Tree 地址📍:尖沙咀柯士甸道西1號ELEMENTS圓方金區2樓2032號舖 #社群時間囊#社群生日快樂

平均消費
HK$250
地址
圓方
1 Austin Rd W, Tsim Sha Tsui, 香港
評分
5/5
下一篇載入中