沖繩名護美食推介👍🏻

相信大家去沖繩,都一定會去地標景點,美麗海水族館 今次去完水族館,揸車30分鐘左右就去到呢間燒肉店｢焼肉こうちゃん(名護)｣ 呢間燒肉店我只係google睇評論參考而去, 因為當中大部分評論都係讚讚讚,分數去到4.4 出發前先預約,上Tabelog預約有少少kick, 膽粗粗去鋪頭ig dm佢地問可唔可以ig book台, OK wo, 約左! 準時7點去到,鋪頭細細,但座位好闊落,唔會坐得迫(有小朋友好怕座位唔舒服) 因為我預約有提及有1位小朋友, 店家十分貼心地已經放好小朋友餐具同座位, 超加分! 食物質素非常好, 呢個價錢食到咁高質嘅牛, 超值! 我地叫左個3-4人份的套餐, 兩碗紫菜飯, 根本D飯係唔夠送D牛 再加多個沙律菜夾下肉食, 不得了!! 連個沙律汁調味都做得好好🥹 所有肉都完美落到肚仔, 連小朋友都好好胃口, 食得好多! 中間時間, 估計係老闆嘅人好細心地用電話google我地知 食唔哂可以話佢地知, 佢地可以幫忙打包 最後埋單, 2大1小 , 14xxx yen... 用5算計, 都係HKD700幾蚊 坐得舒服, 服務細心, 食物質素好, 呢個價錢真係物有所值! 我下次再去沖繩, 我一定會再黎食過 #日本好去處#日本必食#想飛賞飛#求好旅友