又想食拉麵又想食串燒及丼飯,點算好?

難得今日準時收工,入去上水搵埋fd食個飯先~ 又想食拉麵又想食串燒及丼飯,點算好? 一於就揀呢間「八番麵工房」,有齊以上既食物,當中更主打健康野菜拉麵,岩哂我同朋友仔~晚飯時間仲提供2人套餐,夠哂方便,拿拿聲試下先~ ——————————————————— 🌟晚市二人套餐🌟 🔹 前菜兩款(海帶芽 及 泡菜) - 套餐提供兩款前菜,一於就揀海帶芽同埋泡菜先~朋友仔大推呢款海帶芽,加入芝麻,咬落爽脆惹味,好出色~ 🔹 豚雞鹽味叉燒野菜拉麵 - 鍾意食蔬菜既朋友仔必試~呢款豚雞鹽味叉燒野菜拉麵,下層加入大量蔬菜,有齊椰菜、芽菜及蘿蔔絲,健康又夠營養~ 豚雞鹽味湯底加入蔬菜後,鮮甜又濃郁,拉麵採用來自日本既麵粉,口感零舍彈牙,夠嚼勁,配菜仲包括糖心蛋及自家制日式叉燒片,夠哂豐富~ 🔹 汁燒肉丼飯 - 呢款汁燒豚肉丼飯岩哂鍾意食丼飯~上層加入厚切大大件即燒豚肉,肉味濃厚又多汁,配埋微微甜日式燒汁及肉燥,伴飯一流,當然唔少得蛋漿味濃既日式糖心蛋,食得好滿足~ 🔹 燒雞軟骨 及 燒雞腿肉 - 呢度既日式串燒,由師父即叫即燒,熱辣辣香噴噴~我就最鍾意燒雞腿肉,肉質嫩滑又多汁,啖啖肉好正~ 🔹 凍日式檸檬茶 及 熱日式檸檬茶 - 套餐包埋兩杯飲品,兩款檸檬茶微微酸,解膩一流~ ——————————————————— 餐廳:八番麵工房 地址:上水龍琛路39號上水廣場5樓511號舖

地址
上水廣場
香港上水龍琛路39號
評分
4/5
😍
Hey
下一篇載入中