Quiero Más 中環高質西班牙菜 之前試過紅磡嘅姊妹店,雖然呢度就冇海景,但都有露天嘅室外座位,依家天氣涼涼地坐室外飲嘢食嘢就好chill,如果係星期五六黎就記得book位,因為都幾full,食物選擇都好豐富,有多款特式tapa。 🌟All The Best Beef $198 本身諗住試油甘魚Tata,但已經賣晒就叫返牛肉他他,呢到唔係配扁扁嘅脆多士,配咗長長嘅buttery brioche,表面脆脆地整體都好軟身,味道比想像中夾 🌟Give a Flying Fig $228 本身以為下面嘅多士係脆,都係軟身既。鵝肝兩面都煎到焦香,做到少少外脆內軟嘅效果。中間夾住蘋果醬,再放上新鮮無花果片,有少少酸甜嘅味道,就冇咁油膩,幾高質嘅tapa 🌟Suckling Pig $288 呢個係Quiero Más既 Signature Dish,見到真係好多人叫,同平時食開嘅乳豬相比,呢度嘅脂肪比例較少,食落就冇咁油膩,不過會比較乾少少,外皮係燒得好香脆,底下有啲配菜同薯仔味道都唔錯。 🌟Spanish Lamb Loin $288 ​醬汁係紅菜頭同希臘醬,雖然賣相同人哋嘅相有啲唔同,但味道都可以,唔會有羊羶味,皮嘅脂肪會比較多,羊肉幾滑軟。 🌟Dry aged USA Black Angus Rib-Eye 350g $550 配菜有Mashed potatoes 同 Brussels sprouts,Rib-Eye要咗medium,表面煎至焦黃,切好咗一塊塊上菜,夾起見到中間係極粉嫩,肉質食落好軟,落咗少少鹽調味,另外配左兩款醬汁可以自己點。 🌟Churros with Chocolate and Vanilla Ice-cream $88 每次食西班牙菜都要試食嘅甜品,外脆內軟,表面有糖粒,可以點朱古力醬、雪糕一齊食,食到冷熱嘅層次 🌟Banana Drama $78 朱古力心太軟蛋糕配香蕉焦糖雪糕🍦 朱古力心太軟蛋糕一切開裏面嘅朱古力醬流晒出嚟,整體甜度唔高,朱古力味都夠濃郁,可以點雪糕食就有冰火嘅感覺 🌟Spring Garden $68 🌟Salted Sweet n Sour $78 📍Quiero Más (中環) 中環威靈頓街2-8號威靈頓廣場M88 20樓 ##社群時間囊

地址
Quiero Más
20/F, M88, 2-8 Wellington St, Central, 香港
評分
4/5
下一篇載入中