自己動手做臘肉 零難度 實行過一個肥年 出面買好貴 又唔知有冇防腐劑 自己整就最實際 平得多 仲滿滿酒香 成功感爆燈 成品用嚟做臘味飯或蘿蔔糕 一定受歡迎 ———————————————— 烹飪難易度（1為較易 - 5為較難）：1 烹飪時間：0分鐘 準備時間：15分鐘 材料：五層腩肉1斤 醃料：海鹽18克/糖36克/生抽30克/老抽30克/玫瑰露20克 製作步驟： 1. 腩肉切長條，加入所有醃料，拌勻 2. 放入雪櫃醃24小時 3. 取出腩肉，用繩串起，放通風處封乾 4. 視乎天氣濕度，一般7至14日，臘肉變硬及開始滴油，即完成