/ 質素 /

// 23 11 23 晴天🌞 15:00 西營盤 第一街 @coffeebyzion 細個嘅時候，如果朋友話去𝘊𝘢𝘧𝘦，我唔會第一時間諗起飲咖啡，好𝘊𝘩𝘪𝘭𝘭、好舒服嗰種。相反淨係諗到旺角、油麻地一帶嘅小型商業大廈，裏面播住大大聲聲嘅廣東話情歌，不敢恭維嘅嘢飲嘢食，而且價錢又貴、地方又逼嘅”咖啡餐廳”。 不過，隨住時代變遷，作為有要求嘅我，家陣緊係識得揀返間夠𝘊𝘩𝘪𝘭𝘭、夠舒服，同埋美食咖啡都有咁上下質素嘅𝘊𝘢𝘧𝘦啦！ 私心推介，呢間喺「西營盤｜𝘾𝙤𝙛𝙛𝙚𝙚 𝘽𝙮 𝙕𝙞𝙤𝙣」！店舖雖然唔大，但從佢哋每一個嘅佈置，再到食物嘅味道，都可以深深體驗出咩叫做高質素嘅𝘊𝘢𝘧𝘦啊！ 𖤐ˊ會有加一服務費 🔻𝐇𝐮𝐧𝐠𝐚𝐫𝐢𝐚𝐧 𝐅𝐨𝐢𝐞 𝐆𝐫𝐚𝐬 𝐃𝐫𝐲 𝐀𝐠𝐞𝐝 𝐁𝐞𝐞𝐟 𝐁𝐮𝐫𝐠𝐞𝐫 HKD$158 ꕀ 驚喜之處 𝘉𝘶𝘳𝘨𝘦𝘳真係超級好食 醬汁有少少甜酸 有啲似黑醋嘅感覺 加入炒至熟透嘅洋蔥、煎到香脆嘅鵝肝 及肉味香濃嘅漢堡扒 咬落去每啖層次分明 而且每一款醬汁同配料都非常合襯 整體味道經典得嚟又有新配搭 另外仲會有酸黃瓜解膩，推介必試漢堡之選 🔻𝐁𝐮𝐭𝐭𝐞𝐫 𝐂𝐫𝐨𝐟𝐟𝐥𝐞 HKD$68 ꕀ 窩夫會係牛角包嗰種 超鍾意香脆嘅口感 而上面撒咗少許糖霜 賣相已經令人充滿食慾 再配埋楓糖漿 甜得黎又唔會過膩 同窩夫簡直就係天作之合 🔻𝐏𝐨𝐚𝐜𝐡𝐞𝐝 𝐄𝐠𝐠𝐬｜𝐒𝐚𝐮𝐬𝐚𝐠𝐞 追加 +HKD$22/每款 ꕀ 腸仔外皮脆口 肉味濃 唔會比裏面嘅香草搶走味道 兩者平衡得好好 🔻𝐋𝐚𝐭𝐭𝐞 HKD$45 ꕀ 鮮奶咖啡入口醇厚 質感順滑 堅果味出色 萃取得啱啱好 證明咖啡師經驗老到 可以完美把控咖啡豆嘅狀態 另一重點就係拉花超靚 用嚟打卡一流 ꕀ #西營盤#第一街#coffeebyzion#Cafe 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_source=qr