睇得又飲得嘅痴_線朱古力!!!😱🤩

係位於銅鑼灣希雲街嘅一間好有情調嘅餐廳, 裝修環境都好chill, 啱晒一班女仔或者情侶嚟傾下計, chill下😚~ 佢哋仲有整啲好qq嘅 3D拉花, 或者係 2D有公仔嘅拉花latte😍 . 4 course dinner Main course: 墨汁帶子risotto/ 白鶴清酒忌廉汁蟶子扁意粉 Main course 其實都幾多嘢揀😋, 有扒有意大利飯同埋幾款意粉, 墨汁帶子risotto有少少似barcelona嘅墨汁海鮮飯🫣, 不過飯質係偏向意大利, 較硬身少少, 帶子煎得好香🤤! . Drinks: 招牌貓頭鷹玫瑰特調朱古力/ Matcha Latte 飲品真係最驚喜!!!🤩🤩🤩 我叫咗招牌貓頭鷹玫瑰特調朱古力, 一到咗其實已經覺得好靚, 仲有少少玫瑰花!! 點知到咗之後, 再倒多咗啲朱古力, 然後令佢倒瀉🤪, 完全係一件藝術品🤣 飲落去真係有玫瑰花味, 亦feel到應該用咗dark chocolate, 因為overall 成杯嘢飲都唔會話好甜, 真係飲到好濃郁朱古力嘅回甘!!🫶🏻 朋友嘅matcha latte 都好有驚喜, 個拉花真係好amazing, 勁有心機✨✨!! 飲落去真係勁濃抹茶味!🤩 前菜: 有鵝肝多士同帶子, 帶子真係好好食👍🏻 好大粒, 而鵝肝多士, 油脂感有, 但配咗芒果醬, 又唔會覺得膩🤤 餐湯: 有雜菌湯同海鮮湯, 都幾足料, 同埋一啲都唔hea, 唔係麵糊mix出嚟嘅湯👍🏻👍🏻! 真係blendar 真材實料嘅湯, 兩個都好好飲😋 甜品: 係兩個puff, 一個係檸檬味🍋, 一個係榛子朱古力味🍫~ 有少少似金沙, 但係overall係比較硬身少少嘅cream puff, 仲有朱古力撻底, 係幾高質嘅甜品嚟～ . 📍Sleepless 銅鑼灣希雲街22-24號地舖 #UCreator#打卡美食#好去處#隱世打卡點#chill#求好旅友#以油養膚#UCreator#生活足跡#全民打卡企劃#foodie#hkfoodie#foodiehk#hkfoodlover#hkfood#美食#食評#foodieig#hkfoodieig#hkfoodsharing#hkfoodlover#相機食先#hkfoodblogger#hkgoodfood#LanghamBeautyFest