非一般的Semi buffet brunch

Sunday brunch食得多,semi buffet brunch亦唔罕見,但係今次去呢間係食黎巴嫩菜,大家又點睇呢? 餐廳正對大館,所以可以食完過brunch之後,飽飽地慢慢行大館 餐廳裝修有著濃濃嘅中東色彩,可感受一下異國風情確係唔錯 🍽semi buffet 嘅自助區有好多款式👇 ▪️有暖笠笠嘅蔬菜湯,足料清甜 ▪️中東菜式當然不能少得鹰嘴豆蓉、烤紅椒蓉及煙燻茄子蓉,配合餐廳送上嘅彼得包一齊食就最正 ▪️熱食方面有埃及蠶豆、 磨菇及烤椰菜花都好好味 ▪️芝麻菜及塔布勒沙律亦好新鮮 ▪️其餘仲有好多未能盡錄 🍽當中可以自選一款蛋,我哋揀咗👇 ▪️羊肉腸奄列 羊肉腸完全唔騷,而且香草味非常之濃,外皮煙韌,質地厚實好趙頭,同時配合埋番茄及香草,非常香口惹味 ▪️Shakshuka 用黑椒、洋蔥、蕃茄、阿拉伯香草及蛋,食嘅時候將蛋撈混配料一齊食,用鐵板上熱辣辣,味道清甜好味 受唔住誘惑最後都叫咗兩個main 👇 🐏阿拉伯烤羊肉及雞肉串 羊肉方面,有一串係羊肉,一串係免治,完全唔騷,羊肉紮實有口感,免治羊香草味濃,羊串及雞串同時亦燒得好香口,但又唔會乾柴 🐠烤魚柳跟沙律 魚柳口感紥實,鹹香味濃,配合烤蕃茄洋蔥沙律等食材一齊食,超豐富 食完個main,我哋當然記得自助區仲有米布丁及生果,作個完滿嘅收尾 📍Shahrazad Lebanese Dining Lounge & Bar 中環雲咸街75-77號嘉兆商業大廈2樓 #黎巴嫩菜 #中環美食 #中東菜 #大館 #打卡美食 #鷹嘴豆蓉 #烤紅椒蓉 #煙燻茄子 (此文章由U Blog 同步發佈至社群)

地址
中環
香港中環
評分
5/5
👍
下一篇載入中