最近天氣涼左唔少，又係時候約埋班friend去打邊爐啦~一向我都係「牛大人」既忠粉，今日就去左荃灣既分店~事不而遲，即刻去吃到飽先~
🌟火鍋放題套餐
呢度最吸引就係提供左3款唔同類別既牛肉120分鍾吃到飽套餐~
唔使講，我就當然揀最頂級既「澳洲極上和牛」套餐啦～提供澳洲和牛及美國特級安格斯無限量任食，夠高質而且提供既牛肉部位夠哂齊全！仲有呀，入座每位贈送2粒限定既澳洲M9和牛牛丸，食材咁吸引，真係睇到留哂口水，即刻用QR Code 落單大吃一餐先！！
🌟湯底
牛大人另一個吸引之處，就係佢地既湯底，夠地道之餘，用料及款式夠哂豐富~今次就試左「台中蒜頭雞鍋」，湯底蒜香味十足，仲有加入有蟲草花，藥材及大量雞肉熬制，足料又惹味！
🌟各款肉類
🔹澳洲和牛M5牛肩卷
🔹美國Prime極級肩里肌
🔹美國SRF黑牛後腿肉
🔹安格斯一口牛柳粒
🔹安格斯牛小排
🔹安格斯特選牛板腱
🔹手切封門柳
🔹花雕醉雞件
🔹北海道十勝豚
🔹西班牙豬梅肉片
一掃個QR Code 就見到超多款肉類，任勻選擇~
我就最愛牛味濃郁而且帶點爽勁既美國SRF黑牛後腿肉 及 美國Prime極級肩里肌~
美國SRF黑牛後腿肉 - 牛肉味最澎湃，咬落有嚼勁，大推~
美國Prime極級肩里肌 - 油脂分佈好均勻，入口軟熟又滑順，必試~
🌟台式火鍋配料及小吃
除左主打既牛肉之外，套餐仲包括時令海鮮任點任吃~
有齊鮮甜大蝦、新鮮沙白、花膠，真台灣鯛魚片及各種台式手打魚/海鮮漿~
我最欣賞鮮甜大蝦，大大隻之餘，肉質夠鮮甜爽彈，好高質~
不得不介紹佢地既火鍋配料自助區，提供超多種台式丸類，蔬菜等等，種類繁多~
大推佢地由台灣直送既丸類，特別係芋頭貢丸，大大粒咬落又夠彈牙，內裡既芋泥及芋粒層次感十足，食得好滿足~
🌟飲品區
呢度既飲品款式相當齊全! 除左各款汽水之外，主打既無糖冷泡茶係我既至愛~
仲有呀，打邊爐配啤酒係perfect match，鍾意飲酒既朋友仔留意啦~
佢地推出既 - 酉鬼 - 『芭樂鹽小麥』全線已上架，$68 就有 400ML手工啤，性價比十足~
芭樂姐係石柳，口感清新柔順易入口，淡淡芭樂香氣與珊瑚礁鹽揉合得天衣無縫，微酸帶甜好滋味~令人忍唔住一口接一口，打邊爐歎返杯，冇得輸!
