莫芸精緻粵式點心@遨凱酒店

從奧海城慢慢行到遨凱酒店大概10分鐘路程,吹着海風非常舒服醒神,莫芸係位於該酒店之中,同樣裝修亦好有酒店風範,氣派高雅大氣 🥢黑松露燒賣皇$68 原片厚切黑松露非常吸睛,口感爽脆味濃郁,燒賣肉質爽彈,混合咗冬菇碎粒,所以有着淡淡嘅冬菇香味,同時亦帶有香濃嘅黑松露味 🥢金箔鮮蝦餃$68 餃皮薄身Q彈,蝦肉爽口彈牙,並混合咗鮮爽嘅荀粒,增添口感 🥢蟹肉菜苗水晶餃$68 餃皮薄身晶瑩,鮮爽蝦肉配合嫩口無渣嘅菜苗,此餡料本身已經好好味,同時亦受到鮮甜蟹肉嘅加持,多份口感 🥢手磨紅米腸粉$68 紅色好有新年氣氛,滑溜腸粉包住脆卜卜嘅脆網,脆網又包裹住多汁蘿蔔絲、爽香唐芹及鮮爽蝦粒,好味得嚟層次豐富 🥢蜂巢海鮮芋角$68 size超大隻,蜂巢飛絲做得好靚仔,芋泥滑溜香濃,中心位嘅creamy白汁混合咗甘筍粒、蟹柳及蝦粒,入口綿香又滑溜 🥢啤梨鹹水角$58 粉皮外脆內軟糯,肉粒鹹香有口感,食落唔油膩 🫖蕎麥茶$28/位 味道清香獨特,有啲似炒香米味,冇玄米茶嘅苦澀味,帶甜香滑溜嘅口感 🧈小碟$28 小碟有鹹香XO醬、超香海苔味嘅脆脆腰果及酸辣微甜嘅爽脆子薑 🍯餐後仲送糖水添🤩,紅豆西米綿腍甜香,正 📍莫云 大角咀海輝道18號一號銀海銀海坊地下G01號舖 #中菜 #大角咀美食 #香港遨凱酒店 #粵式點心 #莫云 #mokone (此文章由U Blog 同步發佈至社群)

地址
香港遨凱酒店
香港西九龍海輝道18號
評分
5/5
下一篇載入中