銅鑼灣台式火鍋🍲好呷！(^u^)

喺銅鑼灣時代廣場對面有間好呷台灣火鍋，環境乾淨闊落坐得舒服，半自助式可以自己去揀台式小食同手搖飲品～價錢雖然稱唔上平，但係都值得一試！ 🍲套餐&湯底 Menu有四款套餐揀，好似帶你去食勻台灣唔同地方咁(°u°)而湯底就有八款。我同朋友揀咗第二款餐「麻吉遊·吃台南」同埋養生當歸杞子 鍋。之後發現原來第三四款餐係有「輕奢華盛盤」裝住啲食材，好啱打卡！！ 🧋台式飲品小食 勁大個雪櫃畀你揀唔同台式冷泡茶同手搖飲品，一定有一款啱心水！小食有熱食之餘仲有冷盤，可以自己撈返碟開開胃🤤 （仲有個清潔機械人喺餐廳度行嚟行去好得意🤣^^） 又有肉食又有小食又有得揀甜品糖水，仲送埋個movenpick雪糕，我同啲朋友食到個肚脹曬😮‍💨好彩餐廳喺銅鑼灣附近有好多地方同商場可以行吓街消化吓！ 🍲 好呷台灣火鍋 📍 銅鑼灣羅素街8號銅鑼灣英皇鐘錶珠寶中心3樓 #社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie