黑樺牛 A5熊本黑樺和牛火鍋放題 呢間餐廳係擁有75年歷史既日本過江龍「黑樺牛牧場」設立既香港店,牧場1947年於日本成立,自家牧場育肥高品質「黑樺牛」。 ✨✨熊本A5黑樺和牛放題 $398/位 120分鐘嘅放題 🌟海鮮拼盤 每枱會有頭盤北海道大元貝牡蠣海鮮拼盤,有兩件元貝、生蠔、海蝦,會點火燒香再冚蓋焗熟。海鮮都幾新鮮。 湯底 🌟北海道豆乳玫瑰芝士鍋🍲🧀 中間有一朵玫瑰花🌹,湯底係日本北海道豆乳湯同芝士,有濃濃豆乳香,呢個湯底淥菜就最啱。 🌟黑樺牧場精選盛合層架 除咗海鮮頭盤之外,仲會有個三層架 上層係和牛片、牛冧肉 中層係豚肉 下層係手打丸:豬肉丸、墨魚丸及蝦丸 和牛片幾軟腍好食。手打丸都有咬口 🌟A5熊本黑樺和牛 特上霜降小排、牛小排、牛上肩胛肉、肩胛梅花肉、牛前胸肉、玉子後腰肉、牛頸脊同千本筋 呢到有8款A5熊本黑樺和牛,一開始會黎晒八款俾你試先,每款都會有紙牌,試咗邊款好食可以再用QR code落。全部質素都唔錯,有幾款會比較有咬口啲。我就最鐘意特上霜降小排同玉子後腰肉,呢兩款都係好軟嫩既部位,油脂都比較豐富。玉子後腰肉撈勻隻蛋再淥,最滑係呢款。 🌟火鍋配料 除咗牛外,都仲有日本佐賀名水豚肉添,更有多款手工鍋物、火鍋配料、蔬菜🥬、小食同主食。不過我哋都係叫咗少少蔬菜,其他都冇點試。 🌟飲品甜品 自家泡製嘅茶同飲品、沙冰🍧、雪條雪糕🍨呢度有幾款冷泡茶,我最鍾意飲就係白桃烏龍。當日仲有楊枝甘露同蜜瓜沙冰。 📍黑樺牛 @kurohanagyu.hk 尖沙咀堪富利士道6-6A號爵寓1樓 #社群時間囊

地址
黑樺牛
香港尖沙咀堪富利士道堪富利閣
評分
4/5
下一篇載入中