油香四溢既陳皮燒鵝

．相信作為香港人「燒鵝」依樣食物真係由細食到大，基本上呢樣食物對大部分香港人黎講係無乜特別感覺，但係「陳皮」燒鵝你又食過未？🧐 ．之前去台灣，同當地人傾計發現佢地好鍾意過黎食燒味，真係唔係無原因🤩 ✼••┈┈••✼••┈┈••✼••┈┈••✼••┈┈••✼ ✦榕記陳皮燒鵝(下莊) ($158) ．由「粵菜師傅」技能大賽冠軍黃煜翔先生研發既陳皮燒鵝😲 ．燒鵝選用「黑棕鵝乸」，屬於一種帶有嫩滑肉質，而且骨頭細小既妙齡燒鵝👍 ．燒鵝口感食落真係非常皮脆肉嫩，肥瘦均稱😋😋油香四溢 ．陳皮選用咗新會八年老陳皮，表面帶有磨成粉狀既陳皮，平均鋪滿晒燒鵝表面，竟然出奇地為燒鵝提鮮😋 肉味更加濃郁 ．再點埋梅子醬，亦可以稍為減低油膩感😋 ✦瀨粉 ．食燒鵝，點可以少得瀨粉？🤣 ．瀨粉非常爽滑，將燒鵝放到瀨粉入面浸一浸，成碗瀨粉即時變得非常甘香😋 ✼••┈┈••✼••┈┈••✼••┈┈••✼••┈┈••✼ ✦Tips📌 ．瀨粉同燒鵝都係依間店既招牌，通常晚上七點半左右已經賣完，如果想食既話就要早d 到🧐 ．因為鍾意食髀，所以今次揀咗下莊，如果鍾意食胸同翼可以揀上莊👈 ✼••┈┈••✼••┈┈••✼••┈┈••✼••┈┈••✼ 📍地址： 榕記陳皮燒鵝 (九龍灣) 九龍灣牛頭角道3號得寶商場地下A1-2號舖 營業時間：星期一至日 08:30-22:00 ✼••┈┈••✼••┈┈••✼••┈┈••✼••┈┈••✼ ✦後記✍️ ．「燒鵝瀨」依個組合細細個已經深深印係腦入面，雖然每次食瀨粉總係夾唔起，但依個似乎已經係食瀨粉必定會經歷既過程🤣 ．但即使係咁，但仍然都繼續會有依個組合，證明真係兩樣野好夾！ ．但到底點解會有人諗到咁樣食法，而又咁夾，真係要搵人考下古先得😂 ．今次最出奇係，原來燒鵝仲可以夾陳皮，而「陳皮」除咗夾蒸魚，夾糖水之外，仲可以夾燒鵝，完完全全昇華咗燒鵝既味道，以後食燒鵝都唔使再入深井🫣 ．今次係旅行之後返黎既第一日，自從離開咗香港之後先發現原來想食燒味，真係好困難，燒味真係香港其中一樣特色，所以返到香港真係要好好珍惜🫣 更多食評👉#Ally食評 #香港美食 #香港餐廳 #香港 #燒鵝 #foodiehk #foodie #hkfoodie #熱門菜式 #攻略 #hkfood #香港地道美食 #九龍灣美食 #港式 #九龍灣必食