備長炭生燒串燒🔥

銅鑼灣永光中心成棟大多都係食肆,當中呢間炭火地雞都去過幾次,主打用備長炭即叫即燒串燒,燒鳥仲採用上乘嘉美雞 餐廳環境都係木系裝潢,有卡位都有吧檯位睇到師傅即席生燒,日本生啤買一送一,食串燒飲冰凍啤酒啱哂 薯仔沙律口感幼滑,面頭有隻邪惡糖心蛋,雞心燒到爽中帶柔軟,調味剛好又夠juicy,雞翼外皮香口惹味,雞肉鮮嫩多汁,雞腎燒到金黃色又好爽口,雞腳筋有軟骨爽脆口感 免治雞肉棒配日本生雞蛋,雞肉嫩滑帶一點爽口軟骨,點埋蛋汁食更滑溜又有蛋香味,味噌松板豬燒到油香出眾,肉質都好嫩,微微焦香恰到好處,鹽燒牛舌芯都爽口彈牙,我鍾意加啲柚子芥末一齊食 炭燒白鱔好新鮮,食落爽口彈牙仲有香甜醬汁味,黑松露帶子都夠鮮甜,黑松露夠多,食落有濃濃松露香 芝士年糕我當甜點咁食,外層燒到微微焦香,中間裡面口感軟糯,仲有點微微煙靭口感 餐廳:炭火地雞 港島區地址: 1.銅鑼灣登龍街28號永光中心15樓 2.中環九如坊6-10號林氏大廈地下C-D號舖 #炭火地雞 #燒鳥 #銅鑼灣美食#Chill住食#熱門菜式#2023日常#社群時間囊 #艾迪 #愛食愛玩愛享受

地址
炭火地雞 (中環)
香港中環九如坊林氏大廈
評分
5/5
g
p
下一篇載入中