深圳南山高級日本料理「勝膳日本料理」

今次終於食到黎南山區，呢邊原來都好多好野食😆相比香港平一大截‼️ 而且質素超高‼️好似去咗小旅行咁～ 💮炙熱燃燒·活象拔蚌餐 （二人前）¥1288 呢個價錢係香港只係食到一人前，深圳食平左好多，同場都勁多香港人～ ▪️先付·時令四品 擺盤💯分，有辣木瓜、漬物、螺肉同甜茄，酸酸甜甜幾開胃 ▪️刺身鮮切 魚生可以睇住師傅切，每一片都好工整，拼盤有三文魚、中拖羅、甜蝦、鯛魚同赤貝，特別中拖羅同三文魚鮮甜肥美 ▪️鐵板 -活象拔蚌清炒蘆筍 -黑松露四頭大鮑魚 -緬甸大虎蝦 -澳洲牛小排 -香煎鵝肝 -雜錦野蔬 食之前廚師仲會拎出嚟俾你打卡影相📸 象拔蚌同四頭鮑魚都有成隻手掌咁大🤩🤩仲非常新鮮郁下郁下，肉質彈牙。虎蝦開邊已經處理乾淨蝦腸，充滿蝦油香。牛小排熟成度剛好，肉質軟腍，牛肉味濃 ▪️主食·蔥香魚蓉飯 成個餐都好多豐富海鮮，所以魚生飯相對唔太大份，魚蓉口仲感綿滑 ▪️甘物·網紋蜜瓜、杏仁布丁 蜜瓜清甜，牛奶布丁震騰騰勁彈滑😋😋表面灑上杏仁片，口感豐富 餐廳走和風裝修，可以電話訂定榻榻米包廂，仲可以要求生日/週年紀念佈置，廂房有大有細，私隱度勁高，大房最多可以坐到20-30人 🚖交通 係深圳灣過關後搭地鐵去到灣廈站A出口，行5分鐘左右就過到黎，跟住高德地圖行好容易搵🤗如果唔想搭地鐵可以打開Wechat入面嘅滴滴出行，輸入目的地就可以直接Call車過黎，車程都係10分鐘左右 黎南山區建議順便去埋荷蘭花卉小鎮影鬱金香花海📸同南頭古城感受一下古風建築美同中國文化，打車去都係半個鐘左右，黎一個深圳一日遊✨ 📍勝膳料理·松葉蟹（深圳灣店） 深圳市南山區藍天路澳城花園1618二期1層44-46號舖 🚇深圳地鐵2號線灣廈站A出口步行550米 #OMAKASE#刺身#日本菜#深圳美食#深圳攻略#深圳探店#深圳好去處#深圳一日遊#深圳南山