之前泡菜特價買咗堆泡菜返嚟，除咗食飯麵時要來做前菜，要嚟炒飯都好適合，肉方面我竟然冇晒韓國午餐肉（失策！）但我有韓國香腸，蛋同紫菜我都常備嘅，飯就實有，於是就食泡菜炒飯。 腸仔切細粒爆香佢，剪碎啲泡菜加落去，泡菜啲汁至係精髓，落埋鑊炒飯，都唔駛點放調味，嗯，講係咁講，韓國麻油噤香，落啲啦，但唔好太重手，因為灑面嘅紫菜碎都好香麻油嘅味。 煎蛋個黃唔好熟晒，食嘅時候篤穿佢流啲黃出嚟撈埋啲炒飯食最開心仔！
