天氣咁凍,除左打邊爐最岩就係食燒肉。最近發現糖街開左間主打宮崎縣既A5和牛,而且BMS達到最高級既12級,仲要係放題任食,襯岩岩出左雙糧就同朋友豪一次😋 宮崎A5櫻花牛極上燒肉放題($998) ✨️牛肉 做得主打既A5和牛就一定唔會失禮。店員首先會上一份拼盤。有五花腩、牛肋肉、內外後腿肉兩款同和尚頭等等,全部都係比較少見既部位。建議次序由紅到粉色咁食,可以食到由肉香味慢慢到油脂香味既轉變。食既時候,淨係點少少鹽調味已經夠。另外店員會幫忙處理壽喜燒同西冷,非常貼心。 ✨️其他食物 食得多牛肉都會想食下其他肉類。 雞頸肉 强烈推薦~有蔥鹽、黑七味同辛口,口感比普通雞肉爽口彈牙,個人最鍾意辛口,辣辣地,燒到微微焦香更加惹味。 雞皮餃子 平時都唔係好食雞皮,但自己燒就可以燒到雞皮脆卜卜,加上入面多汁既雞肉,味道一流。 青森黑豚五花腩 肉香味濃,燒到有少少焦香就更加好食 蟹味噌甲羅燒 通常去居酒屋都係上菜即刻食得,自己燒都係第一次。隨碟仲有一塊米餅,配埋一齊食就最岩 ✨️熟食/甜品 燒到攰攰地都係時候食返d熟食慢慢嘆同休息下 自家製味噌魚湯 魚湯鮮味,清清地。食得多肉開始膩既時候,飲返碗熱湯清清油膩感就岩哂。 松葉蟹肉茶漬飯 食得多肉就想食下飯,份量岩岩好唔會太多,亦都有助減低油膩感 甜品 我試左3種,3種都好高質素,可惜太飽,唔係會食多幾杯😂 柚子雪葩 味道清新,有淡淡柚子香味 牛乳奶凍(每日限量) 好香既牛奶咪,口感好嫩滑 抹茶雪糕 第一次試呢個牌子,抹茶味好香濃

平均消費
HK$1100
地址
宮崎肉本舖
香港銅鑼灣糖街31號, 25, 6/F, Sugar+
評分
5/5
👍
下一篇載入中