推介超高質的午餐

最近留意到呢間新開嘅餐廳環境超靚~ 園林木系嘅感覺好令人放鬆又舒服~ Set lunch都有唔少選擇~ 意大利雲吞、長通粉、意粉或扒類等等~ 最後我哋揀咗海鮮意大利飯同燒法國黃油春雞! 前菜有湯或沙律~ 而煙三文魚caesar salad充滿芝士鹹香， 我覺得好好食! 而餐包竟然有朱古力牛角包，好味呢! 主菜Risotto煮得不錯，口感煙韌帶稔~ 不過如果鮮茄醬味可以再濃郁一點就更好! 至於黃油春雞雖然外表好乾身， 但原來入口勁香脆，而且肉質好嫩滑， 同好友share食真係唔係好夠喉!😆 Set lunch仲包埋甜品可揀Opera Cake或Tiramisu~ 兩款甜品都做得好出色好香濃! 至於餐飲我哋另加錢($20)點了mocktail~ 可以同好友喺咁靚嘅環境下慢慢傾計飲嘢~ 真係好chill好relax... 特別要讚除左環境寧静又坐得舒服寬敞外， 餐廳的服務亦好周到和貼心! 有機會一定會再黎， 因為午餐仲可以食到下午四點添! 不過記得要先致電訂座， 因為餐廳有時會被包場作婚宴場地用途... 📍The Glam 尖沙咀彌敦道100號The One 20樓 #全民打卡企劃#意大利菜#西餐#打卡餐廳#打卡日常#美食推介#尖沙咀美食