高質日式放題 任食任飲

殿大喜屋位於尖沙咀鬧市，餐廳地方好大，大部份座位都係卡位，坐得好舒服！ 食物款式包羅萬有，刺身、壽司、卷物、串燒、天婦羅、鍋物、甜品等，可以用手機落單，食物送上速度都好快！ 回本必食刺身，有拖羅、三文魚、油甘魚、劍魚腩、帶子、海赤蝦，池魚王、松葉蟹腳等！另外必食海膽手卷，海膽來自北海道，全部即叫即製，新鮮又肥美！ 熱食同樣吸引，鐵板鵝肝厚多士勁厚身，煎得好香口，夾住多士食好邪惡！避風塘炒蟹新鮮熱辣，好多炸蒜粒好正！仲有好多款食物，燒乳鴿、西京燒比目魚、一品花膠盛、花雕醉鮑魚等，都好高質！ 自助區有冷盤海鮮、熱食、前菜小食，水果、酒類！一大重點係有榴槤蓉，每次一出都好快俾人搶空，十分搶手！仲有Haagendazs, Movenpick同Milktop雪糕，記得要留肚食返兩杯呀！仲有仲有木瓜燉燕窩，認真有誠意！ 🍴殿大喜屋日本料理 📍尖沙咀金巴利道26號1樓 #龍重登場#放題#香港美食#殿大喜屋