朗豪坊日本生雞蛋拌麵/湯咖喱🤩新鮮體驗有驚喜！👍🏻

繼續喺旺角發掘日本好滋味！🤣今次喺朗豪坊見到呢間Suage北海道湯咖哩～據聞係日本獲獎名店～🤫 首先叫咗個和牛肩胛湯咖喱🐮（$138）要咗烏冬麵底，上枱好大碗好足料🤣和牛超大塊！😍質感好好～有好多蔬菜，雞蛋南瓜茄子番茄通通有🐣🍅👍🏻咖喱我覺得剛剛合格，未至於無味，但可以再濃多少少～ 跟住叫咗個白松露極旨蛋拌麵（$88）～好少喺香港見呢啲菜式！😍 先將生雞蛋同拉麵均勻攪拌，雞蛋用咗日本高級蛋「曉」，蛋味濃郁❤️再按喜好加入白松露油、牡蠣木魚醬油，同紫菜碎～食咗可以再加入白飯清碗🤣🤣雖然無咩配料好似好Dry，我覺得係幾新鮮同好味嘅，松露油超級香👍🏻 另外仲叫咗份芝士薯條（$45） 🧀 份量好足，薯條大條夠鹹😋芝士都好澎湃，滿意！ 飲品方面，叫咗一杯士多啤梨抹茶奶（$38） 芒果乳酪特飲（$38） 前者士多啤梨果醬甜咗啲🤏🏼但唔算過份，抹茶奶都均勻～後者平衡得好好👍🏻水準之作💛 喺朗豪坊咁靚商場Chill住食氣氛都唔錯～有機會回頭～ 綜合評價（5分滿分）： 食物質素：👍🏻👍🏻👍🏻👍🏻 打卡指數：👍🏻👍🏻👍🏻👍🏻 環境：👍🏻👍🏻👍🏻👍🏻 性價比： 👍🏻👍🏻👍🏻 Suage北海道湯咖哩 📍旺角亞皆老街8號朗豪坊4A樓1號舖 #日式咖喱 #旺角必食#日本過江龍#日式料理#攻略#旺角日本菜#旺角日式料理#熱門菜式#日本好去處#日本之旅#北海道必食