九洲糸島打卡遊

九洲嘅糸島真係好靚好靚🫶🏻 非常適合慢活打卡 呢篇介紹點樣搭巴士去，唔使一定自駕遊先去到架！ 由天神出發搭去九大學研都市站(15-20分鐘) 一出站就見到西之浦線嘅巴士站 站牌上面有講咩景點喺咩站落車 搭10-15分鐘就黎到第一站😊 第1️⃣站：海釣公園前 想食糸島冬天限定嘅燒蠔可以喺度落 第2️⃣站：本店前 喺海釣公園前旁邊，步行2-3分鐘就到 呢度有好多好靚嘅韆鞦、隨意門、天梯😍😍 我地平日去勁少人，打卡勁靚😍 試左呢度間海鮮丼，旁邊亦有間燒蠔🦪 第3️⃣站：PALM BEACH & 糸島茶房 由本店前搭巴士去大約10-15分鐘 一落車個大風大浪到令我地好想行返入室內 所以影完sunset cafe就行左去糸島茶房飲杯野暖暖身去個乾淨嘅洗手間😂 第4️⃣站：二見浦 白色鳥居 夫婦岩 由茶房行過去大約5分鐘 離遠睇已經見到好靚好夢幻😍 急不及待行落去影相 因為平日無咩人所以可以任影 美中不足係11月底嘅糸島真係好大好大好大風💨 大風到頭髮亂哂好難影到相 腳架都吹跌埋🤣🤣 睇天氣報告陰天得十幾度 著件薄羽絨其實ok 只係太大風要加多件風褸 吹到頭痛😂 如果俾我揀會想夏天黎可以玩埋水 不過冬天都好值得黎😊 回程搭左30分鐘左右嘅巴士反方向出返九大學研都市站再返天神 提提大家巴士上車落車都要拍IC卡 車費都唔平記得增夠值先出發呀～ #OK即刻有#日本之旅#九洲#福岡#糸島