半島🏨慶生🎂四人同行一日免費🥰

🏨香港尖沙咀半島酒店有近1️⃣0️⃣0️⃣年歷史,陪同香港經歷戰爭、高低起跌,依然係香港首屈一指嘅酒店。 🎂生日正日喺大堂咖啡廳預訂晚餐,兩位送生日蛋糕,而四位同行一位免費再加送生日蛋糕。三道菜晚餐$5️⃣5️⃣8️⃣加一。 雖然話要正日,但其實冇check過身份証,同埋在場都有幾多人慶祝生日,遇到好多疑似同自己同一日生日嘅天蠍仔天蠍女♏感覺都幾奇妙。 前菜選了🦆鴨肝凍,功夫菜;🐟吞拿魚他他配薄脆餅,有啲墨西哥辣椒,好開胃;🥣雜菜湯現芝士多士,適合素食者🥬 主菜🐏羊架,好嫰,一件原件羊架而另一件係免治羊肉漢堡扒,一次試到兩種口感。🐟煎魚,外皮香脆內裡嫰滑,配茄子蓉。加錢配了🥩牛扒,唔差嘅,但唔特別建議加錢🤪因為羊扒好味過牛扒。蔬菜大貝殼粉,同樣係素食選擇,好味。 甜品有兩款,朱古力歌劇院蛋糕,朱古力薄片、朱古力慕絲加上杏仁朱古力蛋糕,杏仁味濃郁,口感豐富。另一個Bubu,有啲似donut,炸過嘅粉團再浸糖水。 ☕附咖啡或茶,平時叫都成百蚊一杯,用靚靚銀器裝住。 另外再送生日蛋糕🎂每枱嘅蛋糕都唔同款,我嘅朱古力蛋糕,中間有脆脆,好rich。 貴為香港最top酒店🧑🏻‍💼服務當然冇得頂。仲有菲律賓live band喺閣樓唱Jazz🎼,唔會太大聲嘈到客人傾計,又唱得好好非常chill。處處都係打卡位,點影都靚。 HAPPY BIRTHDAY TO ME😜 #全民打卡企劃

平均消費
HK$480
地址
半島酒店
香港尖沙咀梳士巴利道
評分
5/5
good
😛
下一篇載入中