今晚同朋友去鮨燐撐枱腳♥️😚

鮨燐 📍尖沙咀中間道15號H Zentre UG樓1號舖 好耐無食廚師發辦啦🙈今晚同朋友去鮨燐撐枱腳，揀咗$1880 Dinner Menu，有齊刺身、和食、壽司、麵豉湯、甜品，價錢相當抵食，值得推介比大家🥰🥰 今晚有好風趣既豪師傅，坐BAR枱位置可以同師傅直接交流，成餐飯既體驗都好好✨ 🌟先付🌟 京都湯葉松葉蟹配魚子 高知縣BB茄子 日本番薯配芝士 😋推介口感軟而柔嫩既湯葉，豆味濃醇 🌟刺身🌟 🔸剝皮魚 肉質細嫩Q彈，面頭加上紫蘇花及菊花，賣相精緻，底層肝醬油由魚肝製成，香濃帶甜 🔸秋刀魚 季節限定既秋刀魚以樹葉形呈上，皮細肉嫰，相當豐腴，拌以薑汁、醬油、蔥花同食，更能突出魚肉甘香 🔸新鮮赤貝 外脆內嫩，鮮爽肉厚，底有沖繩水雲，味道酸甜黏滑 🔸野生油甘魚 經灸燒後迫出油分，充斥魚油香氣，肉質紮實爽口，配北海道麵豉醬、三升漬，提鮮一流；另一件配柚子胡椒醬，提升風味 🔸銀鱈魚BB 魚肉細嫩，入口即化，配醋麵豉醬，味道酸酸甜甜，剛好解膩 🔸鮟鱇魚肝 質感細滑豐腴，口感非常之滑溜，完全無腥味 🌟和食🌟 🔸北海道毛蟹拌蟹膏 蟹肉柔嫰鮮美，配濃香蟹膏，大推 🔸中拖羅 油脂含量豐富既中拖羅面頭再灑上竹炭鹽，鹹香豐腴 🔸天婦羅鮑魚 輕脆天婦羅漿包裹咬口十足既厚切鮑魚，口感超級豐富 🌟青檸橘子啫喱🌟 以香甜清爽帶點微酸既啫喱間場一流 🌟壽司🌟 🔸富山灣白蝦 體色透明，味道天然甘甜又柔軟 🔸活北寄貝 鮮甜爽脆，帶陣陣鹹香海水味，加入柚子皮，更帶點果香 🔸深海大池魚 豐厚油脂，魚肉味道甘甜帶油香 🔸醬油漬筋子 連膜整串醃漬，滲出點點甜香，口感豐富滿足 🔸北海道馬糞海膽 馬糞海膽新鮮得很，味道濃厚甘甜回甘強 🔸梅子醬煎梭子魚配日本銀杏 肉質鮮美柔嫩，輕輕炙燒令油香更突出，日本銀杏清爽無苦澀味 🌟麵豉湯🌟 口感順滑，暖身醒胃 🌟甜品🌟 將椰絲炒香再加入奶凍，面頭加入抹茶醬，食落細膩柔滑，清香十足