【油尖旺區】【噹噹牛涮鍋】被公司投閒置散，真正嘅「冇汗出，有糧出」，一個人走去尖東遊離浪蕩。諗吓自己已經好耐冇出 1am紅館 系列，感覺自己好似缺失咗某啲嘢咁。當初我提出呢個 idea 嘅時候，引起咗女同事嘅興趣，因此先會係咁做。 去到呢一刻我已經知發生咩事啦，經驗話我知，女性通常唔會喜歡我呢種痴心情長劍，反而嗰啲賤賤哋又多女嘅先會吸到女，佢哋中意「爭贏」嘅劇本。但我嘅愛情唔會係呢個樣，死咗條心佢罷啦，諗諗吓就行咗嚟尖東。 嗰時係兩點零鐘，見到呢間新開嘅牛涮鍋，一人一爐嘅，又有個「澳洲和牛放題套餐」原價 $328 做緊半價 $164 好似幾抵，午市係中午十二點到三點半，仲有時間，咁就入去睇吓。估唔到當時唔多客，成個場任我舞咁。 佢一嚟就畀咗兩碟「澳洲和牛」、一碟「極上牛肉」同埋一碟「日本產黑豚肉」，我覺得澳洲和牛幾好食，黑豚肉都 okay，但另外嗰款牛都幾唔得吓，好似柴皮咁。所以去到之後無限追加嗰時，都係淨係加澳洲和牛就算喇。 佢其他嘢嘅選擇都唔少，有款丸好似有貝柱喺入面，幾特別。嘢飲方面有罐裝椰奶同玻璃樽汽水，選擇幾夠全面。甜品嘅雪糕麻麻，不過可以揀布甸杯，好過啲雪糕。價錢 $164 收原價加一 $33，落樓係 $197，喺尖東算係咁。。。 （地址：尖沙咀漆咸道南67-71號安年大廈地下C號舖） #1amfoodie #foodie #hkfoodie #thatfoodiething #globaleats #food #followforfollowback #love #eat #1am油尖旺區 #尖沙咀 #尖東 #紅磡 #1am紅館 #噹噹牛涮鍋 #火鍋 #任飲任食 #澳洲和牛放題套餐 #一人一爐 #澳洲和牛 #極上牛肉 #日本產黑豚肉 #1am0901 #1ambackup