尖沙咀Chill靚海景cafe! 超好味叉燒漢堡，咖啡!

NINETYs 喺尖沙咀誠品書店入面嘅分店係一間好悠閑又有文青感嘅咖啡店☕️。佢嘅裝修係型格輕工業風，因為被書店包圍更添文青文化氣色，咖啡香氣非常濃郁，遠遠都聞到🤤。店內左邊有好多望海嘅窗口位，可以一邊享受海景，一邊嘆啡，真係好chill好悠閑！😍😌 ～ Flat white coffee☕️ $45 NINETYs 嘅咖啡好高質，今次就試咗Flat white。☕️🤎咖啡嘅拉花好靚，咖啡豆揀就揀左fruity，好香果味又唔會太酸，咖啡味都很出，奶味mix得剛剛好。特別嘅係叫咖啡仲會送幾粒杏仁，可以一邊食，一邊飲咖啡😋😆！ ～ 遠近馳名叉燒漢堡 Piggy Piggy 🐷 $248 試咗 NINETYs 其中一款招牌菜 - Piggy Piggy 。 賣相好靚，丹麥酥嘅漢堡包中間夾住沙律菜，有火箭菜同羽衣甘藍；之後再夾住咗一大塊燒叉燒同炒滑蛋。而且叉燒有差不多2cm 厚🤤超厚切呀。燒到啱啱好嘅蜜糖外皮入面嘅豬肉軟稔稔，食落非常juicy ，肉汁流晒出嚟，😋而下面嘅炒雞蛋都係好厚，份量好多。佢嘅沙律菜就平衡左豬肉的油膩感👍🏻好夾好正呀！😋食完想再食！😋 NINETYs (星光行) 📍尖沙咀梳士巴利道3號星光行2樓誠品生活L202及203號舖 推介程度：❤️❤️❤️❤️❤️ #尖沙咀 #Chill #海景 #海景cafe #叉燒 #漢堡 #文青 #咖啡 #ninetys #cafe #尖沙咀cafe #誠品 #嘆咖啡 #工業風#熱門菜式 #打卡 #攻略 #chill #週末 #下次要再食 #打卡熱點