人氣重慶火鍋店🌶️

即使天氣熱咗，但都唔會減低對打邊爐嘅熱情，方叔叔不時會推出不同口味嘅湯底，又會有時令食物，今次去見到仲多咗個醬料區，入面仲有幾款小食同水果，又幾好喎 鴛鴦麻辣 x 豬肚雞鍋 麻辣鍋係呢度必點！另一邊叫左豬肚雞鍋，入面好足料，湯頭濃郁，開始打邊爐前飲咗成碗！ 今期時令食物有鮮活海蟶 & 姬松茸菇! 蟶子以冰鎮上枱，食落好新鮮！姬松茸菇大大粒，好有口感又有營養！打邊爐點少得牛肉，安格斯牛板翼 & 美國牛板腱每款都叫咗半份，放落麻辣湯底食好惹味！手打墨魚滑 & 手打魚籽蝦滑真材實料，兩者都好彈牙又足料 此外仲叫咗好多蔬菜同麵食，當中功夫萵筍片賣相精緻，排列得好似朵花嘅造型！武隆苕粉口感煙韌彈牙，掛湯吸湯一流，呢個必食！ 最後食埋佢哋嘅甜品，紅糖冰粉 & 紅糖爆漿糍粑! 兩樣都好得我歡心，冰粉清甜爽滑，解辣一流！紅糖爆漿糍粑口感軟糯，包住紅糖，香甜不膩 🍴方叔叔重慶老火鍋 📍沙田沙田正街18號新城市廣場一期7樓709號舖 #年輕肌gotcha#想飛賞飛#春日賞櫻