全日兩餸飯$36 每加一餸都係+$8🤭😎

上環·北冰洋 ⁡ 呢間兩餸飯專門台位於上環永樂街 之前睇傳媒報導過呢間好抵食‼️ 原來佢地有埋早餐/小食(今日忍住先) 今日放工經過實在唔想煮飯就買咗幾個餸 人來人往好多人幫襯 仲有外國人排隊買😆 ⁡ 全日兩餸飯$36 每加一餸都係+$8🤭😎 淨餸就每份$40/$50(睇你要咩) 仲可以+$3配飲品 佢地有埋自家製樽仔系列 正呀🥰👍🏻 另外仲有每日都唔同嘅湯/甜品 都係$15 味道方面比想像中好 唔想煮飯又想平平地 係一個不錯既選擇💁🏻‍♀️ ⁡ 大家睇相都會見到我幾忍唔到手😏😂 因為睇落樣樣都好好食 又多選擇 兩餸飯竟然有埋海鮮(今日有扇貝/大蝦/蟹)好癲😱😱😱 ⁡ 🍤黃金大蝦碌 份量好足 我同屋企人3-4人分享都仲得 仲要隻隻都好大 炸到脆卜卜 雖然冇得食埋啲殼 但蝦頭好多蝦膏 外層嘅鹹蛋黃啱啱好包裹住成隻蝦 仲有埋粉絲墊底 啲蝦同蛋黃味摻曬入去 個個食到lam lam脷 停唔到口🥰😋 ⁡ 🫛惹味肉碎甜豆 個汁好惹味 有少少辣更加吸引🤩 甜豆新鮮 咬落爽脆清甜 伴有好多肉碎 送飯一流‼️ ⁡ 🍯🐮蜜糖薯仔牛柳粒 又係配飯食必點 薯仔同牛柳粒大小剛好 啖啖都係一口食曬 加埋蜜糖夠曬甜蜜💕 薯仔🥔硬度適中 最正係牛柳粒夠嫩 咬落唔會黐牙 牛味足 仲會有啲肉汁鎖住🥰 ⁡ 🐷菠蘿甜酸咕嚕肉 呢個專為爸爸而叫 每次見到都話想食😂 個汁甜甜酸酸好開胃🤤仲有伴埋菠蘿🍍 咕嚕肉肉質偏結實但都係啖啖肉 唔會咬唔開 ⁡ 🥣是日例湯 今日去嘅湯係豬骨湯 拎到返屋企都仲好夠熱 而且份量足夠2人飲 入面仲有2大嚿肉食 飲得出真材實料煲 夠濃厚但冇味精味👍🏻 ⁡ 🥤自家製樽仔百香果蜜 🥤自家製樽仔港式奶茶 🥤自家製樽仔烏龍茶 加埋佢地嘅自家樽仔飲品更加滿足😌 特別係奶茶 咁啱熱嘅賣曬 但涷都唔錯👍🏻 茶底濃加埋奶就更滑口 唔怪得咁快賣曬 百香果蜜都唔係求其是旦 有粒粒百香果籽 味道我覺得可以再濃啲 但清清甜甜都幾好😃 ⁡ ☆~*~★~*~☆~*~★~*~ ☆~*~★~*~☆ #香港美食#港島美食#上環 搵食地點🥢： @arcticocean_hk 📍 北冰洋 (上環) 上環永樂街58號地舖 ⁡ 地區： #trysomefood_hk港島 #trysomefood_hk上環 分類：#trysomefood_hk港式 #trysomefood_hk兩餸飯 #trysomefood_hk兩餸飯專門店 ⁡ #美食推介#香港餐廳#香港好去處#hkfoodie#foodies#foodlife#foodlover#香港美食#兩餸飯#兩餸飯關注組#兩餸飯放題#兩餸#外賣食乜好#外賣#平民小店#小食#上環店#香氣四溢