芝士控必食～ 韓閣爆爆爆爆芝豬肋條

🌸韓閣🌸 地點：黃大仙龍翔道136號黃大仙中心北館地下G06E-G06G號舖 荃灣的韓閣咁出名相信大家都試過啦，今日來到黃大仙中心竟然俾我發現佢開左新分店兼賣韓國急凍食品，一齊入來同我地試下係咪要係咁好味啦～ 🌺 食物：4/5 環境：🌕🌕🌕🌕/5 （模仿韓國的酒館，上面有大量韓式海報同裝飾，特別係仲有包廂仔位夠曬私人） 👉🏻芝士黑豚肉歡樂盤 ($158) 周年慶做緊優惠，咁大個芝士盤都係158，上面包曬拉絲燒汁豬仔骨、邊鍋雞蛋、海苔飯、泡菜、蕃茄、菠蘿等等，勁多種類一次過滿足晒大家n個願望 特別一提個豬仔骨本來都好夠味又鬆化，纏上拉絲芝士的畫面真係特別治癒，私心推薦大家將流心蛋同芝士同豬仔骨一齊食更好味～ 👉🏻亞之媽炸雞～蜂蜜牛油 ($118 半份) 明明半份但都有6大塊好痴線都足料，蜂蜜牛油味嘅甜味比較出，整體醬汁會掛係雞件上，口感會比較濕潤d，襯托出裡面嫩滑嘅肉質 （P.S: 鍾意乾身炸雞嘅可以選擇芝士粉或者原味） 👉🏻3.6牛乳400次咖啡 ($38) 幾年前特別hit，但係我其實一次都冇飲過，今次就同大家試吓，上層係非常非常非常杰的咖啡漿，配上下面3.6牛乳，口感幾特別 P.S: -做緊大量周年promotion 好抵食 -另外仲有學生、長者優惠：lunch /tea 有10蚊discount /update 餐飲