布丁滑嫩無比,下層有蓬鬆綿密既起司蛋糕

🌟餐廳:呦呦鹿鳴布丁燒 📍地址:尖沙咀河內道18號K11購物藝術館B2樓Kiosk 7 💰價位:~$50 ⏰營業時間:星期一至日11:00 - 22:30 📱電話:9176 7426 今晚約咗個靚女朋友去K11食晚飯,食飽飽就行吓商場,落到B2見到好多Kiosk小店,有蛋卷、鬆餅、件裝蛋糕等等,仲有呦呦鹿鳴布丁燒添啊!由一開店就已經係棒場客既我地即刻買返幾個一齊開心SHARE! 呦呦鹿鳴布丁燒係由一對專誠去台灣學藝既夫婦創立,主打創意口味布丁燒,日日新鮮出爐,分店愈開愈多,水準仲好穩定添!所以每次經過分店都會買返幾個返屋企慢慢歎~ 布丁燒除咗有固定口味之外,仲會不時推出節日限定口味,而家仲有埋散水餅系列,可以自訂獨有及貼心語句比同事或朋友,收到一定覺得好窩心!有興趣直接去IG @deerliciouspudding 撳鏈結預訂或者查詢訂制版布丁燒散水餅就得,方便又簡單,絕對係告別送禮既好選擇啊~ ——————————————————— 🔹 抹茶布丁燒 布丁滑嫩無比,下層有蓬鬆綿密既起司蛋糕,再配埋冰涼焦糖醬,輕甜蛋香夾雜清香抹茶味,多種滋味相輔相成,真係好高質! ——————————————————— 🔹焙茶布丁燒 試埋呢個焙茶味~陣陣清新焙茶香,起司蛋糕濕潤軟綿,布丁軟滑細膩,甜度剛好,口感極佳,的確出色! ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 呦呦鹿鳴布丁燒 📍尖沙咀河內道18號K11購物藝術館B2樓7號Koisk 📍銅鑼灣禮頓道134號希雲大廈地舖 📍旺角T.O.P商場MTR/樓層K01-02

地址
河內道18號
香港尖沙咀河內道18號
評分
4/5
下一篇載入中