/ 𝐓𝐨𝐝𝐚𝐲’𝐬 𝐚 𝐠𝐫𝐞𝐚𝐭 𝐟𝐥𝐚𝐭 𝐝𝐚𝐲 /

// 08 11 23 晴天🌞 20:00 太子 砵蘭街 @owens_hongkong 繁忙嘅都市，生活總係比較急速。 如果能夠搵到一個舒適區，可以放鬆被繃緊嘅情緒，相信必定會充滿更多力量。 太子地鐵站D出口，有間以波希米亞風格做主題嘅西餐廳「Owens」，無論環境抑或佈置，都令人有種悠閑寫意、自由自在嘅感覺，就好似城市中嘅綠洲，給予大家一個小小的喘息空間。 𖤐ˊ會有加一服務費 🔻Set Dinner For Two HKD$408 ꕀ 🔻是日餐湯｜白汁忌廉湯 🔻頭盤｜蒜蓉/芝士焗生蠔 (4隻) 焗蠔表面鋪滿蒜蓉 上碟時 離遠已經聞到陣陣蒜香 食嗰陣惹味十足 芝士焗蠔 芝士味唔會搶咗生蠔嘅味道 兩者平衡得好好 每隻生蠔外形飽滿 入口爆汁 非常鮮甜 🔻主菜一｜北海道帶子墨魚汁意大利粉 會有三粒鮮嫩爽滑嘅帶子 每粒底面都有煎至焦香 意粉炒得乾爽 軟硬適中 食起嚟甜甜哋，紅椒同青椒味十分突出 🔻主菜二｜美國安格斯肉眼牛扒 牛扒肉味濃郁 感覺似經過慢煮 / 解凍方法正確 所以咬落去會有好多肉汁 另外控制生熟度 相當精準 整體完全唔柴、唔嚡口 反而肉質鮮嫩，容易咬開 加埋經過黑椒調味嘅焗薯仔 食完之後又飽又滿足 🔻甜品｜Owens 牛角窩夫伴雪糕 窩夫外層酥脆 就好似牛角包一樣 🔻飲品｜凍美式咖啡 + 凍檸茶 🔻追加小食｜牛油炒野菌 + HKD$28｜脆炸魷魚鬚 + HKD$28 ꕀ 牛油炒野菌 菇菌爽脆 每啖都會滲透牛油香氣 令人食到停唔到口 脆炸魷魚鬚 魷魚鬚彈牙，有魷魚味 粉漿裏面混合咗海苔，出嚟味道相當唔錯 而且炸粉夠薄身 入口鬆脆 食完油膩感一啲都唔重 🔻升級甜品｜伯爵茶麻糬提拉米蘇 + HKD$38｜自家制蛋糕 + HKD$28 ꕀ 伯爵茶麻糬提拉米蘇 沾滿咖啡酒嘅手指餅 質地偏似蛋糕，濕潤度充足 再由伯爵茶意大利幼滑軟芝士 包住煙煙韌韌嘅麻糬 味道苦中帶甜之外，口感更加添多種層次 我平時好怕出面啲 Tiramisu 好苦、好甜膩 但呢個完全唔覺，食完冇張住個口不特止 仲會保持住一陣清新嘅香氣 自家制蛋糕｜伯爵茶麻糬卷蛋 卷蛋鬆軟 伯爵茶忌廉綿滑 甜度恰到好處 奶香及茶香同時互相交織 麻糬大粒有嚼勁 口感軟糯 ꕀ #太子#砵蘭街#owens#西餐