食物相當精緻🥰重有好靚既teamlab打卡房💡💡💡💡

香江花月(銅鑼灣) 好開心黎呢度慶祝生日🥰餐廳內好Classic、而且菜式相當精緻,每一個位都可以打卡💕💕💕 美顏花膠雞鍋 湯鍋中有蟲草花、冬菇、紅棗,滋補養顏,而主角之一嘅花膠都有好多片,食落好滑溜又帶點爽口,主角農場鮮雞半只都唔惹少,份量十足 一帆風順 賣相氣場十足,真系好似一隻只帆船 七彩餃子 有齊七種不同顏色不同味道嘅餃子,灰色系和口香茜餃,食落有啲似牛肉球咁,橙色系冬菇薺菜餃,白色系蟲草花餃,黑色系蟹肉黑松露餃 天倫鍋心 一共有七款外觀精美嘅點心,分別有兔仔、錦鯉、橘子、燒賣、小龍包同蝦餃造型,內饀分別包左蝦肉、菜肉等等 太極兩儀 擺盤都系以太極嘅標誌,一邊系紅酒浸安格斯牛,另一邊系黑松露牛乳浸梅花豬肉片,安格斯牛肉切得厚薄適中,雪花脂肪紋分布亦相當平均,灼一陣就食得,入口牛味好濃郁,口感軟熟,食到陣陣紅酒味道,點少少醬料食更惹味,豬肉片厚薄亦一樣適中,灼耐少少食都唔會靭,仲食到豬肉嘅甜味,口感實在帶爽 花花綠綠 雜錦蔬菜拼盤有油麥菜、南瓜、皇帝菜、娃娃菜、西洋菜、生菜、白菜仔、蕃茄仔同椰菜花,份量十足,全部菜都好新鮮之余,仲洗得好乾淨👍🏻 #全民打卡企劃

平均消費
HK$1000
地址
香江花月 (銅鑼灣)
香港銅鑼灣波斯富街99號, 利舞臺廣場, 21樓
評分
5/5
下一篇載入中