元朗人氣藝術設計感Cafe推介

元朗人氣藝術設計感Cafe推介 Nodi Coffee Plus 最近喺元朗Yoho Mall睇完戲想搵杯咖啡飲，畀我搵到一間叫 Nodi Coffee Plus 嘅cafe, 覺得佢嘅咖啡幾好飲，而且店舖環境裝修都好靚，值得推薦! 店舖裝修係行型格風，用色較深，用咗黑色配黃色帶出時尚感覺，再加上店鋪掛咗好多唔同風格嘅pop art 畫 ，令cafe 增加咗好多藝術設計感！📸🎨 鋪頭唔算大，坐位唔多，店前有圍住咖啡水吧工作嘅吧枱可以坐，而店內深處都設有少量大枱座位。除咗咖啡，鋪內仲有其他咖啡產品，用具同一啲設計產品可以買，成間舖都好型格好有特色！☕️😍 ～Americano☕️ $35 咖啡味好香濃，飲落nutty同Fruity味都有一啲，不太苦又帶啲微酸。個人認為咖啡味同質感同其他cafe 差唔多，冇太大驚喜，不過都算好飲嘅！😋 ～ Piccolo☕️🥛 $34 Piccolo係較細杯嘅有奶咖啡，有驚喜嘅係估唔到咁細杯都有拉花，仲要好靚！揀咗偏Nutty嘅風味，飲落苦澀味都幾出，同奶mix 得幾好，整體幾濃郁順滑，幾好飲!😋😍👍🏻 之後發現原來Yoho Mall 咖啡選擇其實唔多，呢間都算係高質，下次嚟開呢個商場可以再嚟試佢其他咖啡。😆😋 NODI Coffee Plus 📍元朗朗日路9號形點1L1樓1122號舖 推介程度：❤️❤️❤️❤️❤️ #文青 #咖啡 #必食之選#NODI #NODICoffeePlus #design #art #coffee #cafe #設計 #藝術 #yohomall #元朗 #形點 #熱門菜式 #打卡 #攻略 #chill #週末 #下次要再食