✨人氣扒房之選🥩

#銅鑼灣地膽今次帶我去食人氣扒房 – The Grill Room, 地點位於銅鑼灣L.Square，為左佢嘅Chef's Selection 燒牛柳而黎；餐牌主打西餐各式扒類、意粉、前菜沙律等；餐廳裝潢簡潔，坐位濶落；有半開放式廚房可以望倒廚師煮添！侍應熱情有禮介紹菜式，讚👍 🥩香草燒美國12安士牛柳配黑松露薯蓉及烤蔬菜 $368 侍應介紹呢度菜係餐廳重量級推介，以慢煮的方式燒至五成熟，所以唔可以揀生熟度；外層鋪滿了麵包糠同香草脆脆嘅牛柳賣相精緻又吸睛！上枱時12oz色澤亮麗嘅牛柳一開成二，煮得啱啱好🔥外層小小焦香，切開有肉汁，肉質軟嫩肉味香濃！牛柳邊位會比較熟，不失煙韌咬勁，配上麵包糠同香草脆脆更添口感！伴碟有香氣撲鼻嘅黑松露薯蓉同口感清爽嘅蔬菜！12oz 牛柳真係好重量級份量！ 🍝香煎北海道帶子龍蝦汁篇意粉配三文魚籽 $218 頂層有3粒飽滿嘅北海道帶子，龍蝦汁極香濃，帶點拉絲cheese 嘅口感，好香好creamy！帶子爽口彈牙好新鮮，配搭卜卜口感嘅三文魚籽令口感更豐富，意大利粉煮得軟硬適中！相當唔錯! 🍹飲品我地都點了Ice mango tea $38，夠哂冰凍又可解解膩！ 今次太飽，下次有機會試下甜品心太軟！ The Grill Room 地址📍 :銅鑼灣駱克道459-461號The L. Square 5樓