港式西餐

蔴雀雖小五臓俱全嘅港式西餐，豬牛雞羊魚蝦你想要咩吖？佢都有。今日我揀食牛柳（我原本想要肉眼但佢冇咗，可能冇貨啩），我fd都係牛柳，但佢要白湯我要紅湯，佢要蒜茸汁我要黑椒汁，大家都揀跟薯條，佢係俾crinkle-cut fries，我鍾意呀。 你係食得出佢醃肉啲seasoning就係你屋企廚房都有嗰啲美極呀雞粉呀，夠咖喇，港式西餐嘛。我哋要五成熟，佢都做到，而且我覺得佢真係煎得幾靚，啲肉好軟熟。 最後各人飲一杯凍飲作結。 每人消費二百蚊樓下來講呢個質素我滿意。嚟開佐敦可以encore呢一間。