《古今二》特色創意券物 之前喺荃灣食過《古今二》覺得佢嘅卷物好特別好好味,但係地點對蕃薯妹嚟講就唔係太方便,遇然喺尖沙咀The One行街街發現原來呢度都有一間分店😍 咁以後可以成日食喇🥰 呢度嘅裝修幾靚,日式風格,座位都比較寬躺舒適👍🏻啱曬同friend子吹住水享受美食~ 今次叫咗4款食物,其中3款我都認為係必食推薦😍性價比好高😌 🥗龍卷風沙律 $88 ⭐️推薦👍🏻 沙律菜、海藻、蟹柳、蟹子、脆片組成嘅龍卷風沙律,份量多,沙律菜好新鮮爽甜,海藻味道好似兒時成日食嘅中華沙律🤔 蟹子蟹柳都好多😋勁足料,配埋佢個好清新有少少微辣嘅醬汁,非常fresh,加埋啲脆片,所有嘢加埋口感豐富好好味,必食👍🏻 🐮仙台牛舌煎 $125 ⭐️推薦👍🏻 完全冇諗過我會推薦牛舌,平時唔係太鍾意食牛舌嘅蕃薯妹,竟然覺得呢度個牛舌好好食🙈 厚切牛舌一啲都唔騷,個醬汁似燒汁加蜜糖,甜甜地,咬落去好juicy嘅感覺🫢 夾埋塊炸蒜片一齊食仲正!食到停唔倒口啊🤣 🌋火山 $128 ⭐️推薦👍🏻 上檯之後店員會點火嘅火山🤩 打咭一流!又好睇又好味😋 飯卷上面係滿瀉嘅蟹柳、蟹子、沙律醬同埋醬汁,蟹柳下面有帶子粒,飯卷入面係蟹柳同牛油果,本身成個卷都已經好惹味好夠味,我覺得唔需要再點豉油,鍾意芥末味嘅話可以加少少Wasabi。 🐓鹽燒雞中翼 $32 串燒都唔錯,雞皮燒得香脆,雞肉雞肉汁仲保留到。 古今二 (尖沙咀) 📍地址:尖沙咀彌敦道100號The ONE5樓502號舖 #missmeow周圍食 #古今二 #hongkong #japanrestaurant #japanfood #JapaneseCuisine #日本美食 #香港美食 #尖沙咀 #尖沙咀美食 #日本菜 #日本料理#foodies #foodiesblogger #foodieshk #foodblogger #hkfoodieblogger #openrice #hongkongfood #hongkonggirl #foodpics

平均消費
HK$205
地址
The ONE
香港尖沙咀彌敦道100號
評分
5/5
下一篇載入中