升降機係九樓開門，同一個門口，向右走食西餐，向左走食日本餐 見到呢SET餐具，就知今晚係向左走食和食 先食個煙三文魚藜麥沙律 ($98)作開胃菜，咸香煙三文魚捲成玫瑰花狀，大量清脆沙律菜作基底，曬上有咬口藜麥，加埋香甜粟米與車厘茄，紅黃綠橙色都有齊晒，吸睛又健康。 晚市多款套餐，包麵豉湯/蟹籽沙律，溏心蛋/溫泉蛋，另有餐茶 (咖啡/奶茶/檸茶/檸水/汽水) 照燒鷄扒定食 ($138)，鷄肉同飯放於便當盒中，照燒汁另上 鷄扒未完全切成一件件，皮下無咩脂肪，想再健康D去皮食都好容易撕走，甜甜嘅照燒醬混入鷄肉同白飯上，簡單易食。 照燒比目魚定食 ($158)，亦係照燒汁另上，白飯上有惹味飯素 估計唔係即叫即燒(因唔係等好耐就有得食)，魚肉有一定厚度，肉質鬆軟，無骨啖啖肉，若魚皮有脆度，就更加好。 呢客和風柚子鷄翼 ($68)係追加小食，出場率相當高，香脆鷄翼應該令人難以抗拒，再加上酸甜柚子醬，瞬間KO晒無難度。 飲埋杯餐後咖啡都係時候埋單，食得太飽要行下先得.......哈哈! #睇波必備