去日本行藥妝店你試過，去日本去行藥妝Fair你試過未？

本人為了加入社群創作有價企劃行列，決定運用自身的日文一級能力，致力為大家上網搜羅與日本景點有關的優惠情報，再在U Lifestyle 作出分享。務求讓大家慳得一蚊得一蚊，做旅遊精明消費達人! ———————— 我自己喺香港其實有舖行fair癮， 因為我覺得好多着數野拎，拎sample,拎禮物，有時仲有野玩添 。 咁香港人去到日本就成日行藥妝店， 咁日本既藥妝fair你地有冇行過？ 嗱，我事先聲明，我係冇行過日本既藥妝fair既。 只係我咁啱見到呢個TSURUHA 搞既event（18/5-19/5）, 越睇越覺得好多着數， 忍唔住要話俾大家聽姐 。 你又睇下你有冇興趣用小小旅行時間去行下啦 。 如果咁啱旅行到果度， 就真係入去拎下sample再走囉 。佢講到好多野拎架 。 首先，入場會有本小冊子俾你 。 佢話憑小冊子可以抽奬， 可以抽到500yen- 1000yen商品券或9折coupon或參展商coupon。 即係等同你去左間勁大藥妝店，而家一入場仲有機會有coupon喎 。 平時藥妝店邊有架 。 好，之後小朋友都有被照顧到架。 會場上小朋友有得拎汽球、有得玩掟圈、掟飛鏢等等既攤位遊戲 。佢話小朋友在會場入口就有得拎攤位遊戲券架啦！另外唔介意日文的話，小朋友仲有show睇，見圖4。 而我以上講既野全部免費架！勁抵！ 到大人啦，圖5-9全部都係日用品，化妝品、甚至食品的參展商。 佢地幾乎個個都話去佢攤檔聽完說明之後有野送、有着數 。 雖然要聽佢個說明可能係講日文既，但你講英文應該都識應你既，Sales黎架麻 。 同埋去參展商買嘢通常都有折，好過你去藥妝店啦，藥妝店都冇sample送 。 想去呢度，你可以睇下回10-11，佢喺地下鐵大谷地站既大谷地terminal仲有shuttle bus送你住返 。 嘩！成件事入場又免費‼️仲有shuttle送埋你去‼️會場又有野拎、又有野玩、又有show睇、仲有野買‼️ 我覺得吸引喎，不過你要抽時間囉 。 嗱，如果想去就建議第一日一早去啦， 因為佢話2日展覽夾埋既頭17000人， 入場會送埋個環保袋你 ，先到先得！ 咁反正都想去啦， 拎多樣贈品都好呀 。 ———————— 所有圖片來自官網（https://tsuruhafamilyfesta.jp/?md=thp）取得。 ———————— 如果大家見到有咩優惠，但因為日文而唔識睇，可以話我知，我可以繼續出POST 話俾大家知。 想知更多優惠資訊，就FOLLOW 我俾D動力我啦! THANKS. #日本好去處#UCreator#旅遊行程#日本之行#日本旅行#日本自由行#日本攻略#日本旅遊攻略2024#日本親子景點#日本展覽#日本藥妝#日本藥妝推介#日本藥妝推薦