尖沙咀超巨型墨西哥炸雲吞

上次係尖沙咀天文台道食完中菜，準備回家嘅時候見到對面有間好開揚嘅酒吧餐廳，門口背開放式嘅設計坐滿晒飲酒嘅食客，令到我印象好深刻。今次重遊舊地，一於要試吓究竟佢係食啲乜嘢。睇一睇Menu先發現，原來佢係一間墨西哥餐廳。 Mexican Beef Taco Salad 平時食taco都係一份餅包裹住肉餡，但係今次依個巨型沙律就用咗巨型雲吞狀嘅餅底。食之前要先打碎餅身，感覺上都幾好玩。入面最重要當然係牛肉粒，仲有芝士、牛油果同埋沙律菜，食落充滿肉香又滋味。 Chicken Burrito 食得墨西哥菜，一定唔少得burrito。淨係睇個餡就知道與別不同，雞肉用咗秘製嘅紅色醬料，加入大量嘅芝士，切開都會見到拉絲嘅狀態，好邪惡啊。 Pork Ques 依款係豬肉夾餅，配搭三種唔同醬料，如牛油果醬、乳酪和辛辣醬。三種配搭各有特色。 最後當然唔少得飲品Avocado Smoothie，口感夠晒幼滑。 8Five2 Restobar (尖沙咀) 尖沙咀天文臺道8號地下2號舖 #OK即刻有#食勻全世界#UCreatorHK#MOMENTSwithUCreator#BESTFOODwithUCreator#西餐廳