比一般雪糕健康嘅乳酪雪糕甜品🍦

乳酪雪糕Froyo其實係用乳酪整成嘅雪糕,佢比一般嘅雪糕會酸少少、脂肪亦都比較低,所以比較健康🍨經過尖沙咀近佐敦附近見到呢間裝修好靚嘅froyo就即刻衝咗入去試,估唔到仲有好多特別toppings可以揀💕 ✨酥皮筒+杏仁脆片+無花果+Hidden sauce $58 酥皮筒脆得嚟又唔油膩,配上frozen yogurt啱啱好。Frozen yogurt少少酸,冇雪糕咁漏我自己就鍾意食frozen yogurt多啲。自家出品嘅杏仁脆片香杏仁味亦都重牛油味,多啲杏仁會再好食啲。無花果好fresh。Hidden sauce 其實係有酒嘅汁,今次我揀咗桃酒,好重桃味反而冇乜酒味同froyo好夾。 🍵酥皮筒+咖啡蛋白霜糖+麻糬+抹茶牛乳醬 $58 咖啡蛋白霜糖都幾特別,有淡淡咖啡味。麻糬配埋抹茶牛乳醬好鬼夾,而且可以增加口感煙煙韌韌。 整體我幾鍾意呢間小店,下次都想再試吓其他配料🌸 靚景指數:外賣,不過門口可以打卡 好食指數:💛💛💛💛💛 抵食指數:💛💛💛💛💛 📍Frozen Yogurt Drool 地址: 尖沙咀柯士甸道144號地下D號舖 #cakeoftheday#我想試食蛋糕#2023必玩必食

平均消費
HK$60
地址
Frozen Yogurt Drool
香港尖沙咀柯士甸道144號祥景樓地 下 d 號 舖
評分
5/5
下一篇載入中