福岡太宰府天滿宮1日遊行程☀️近郊必去!附餐廳+交通資訊

福岡行程安排必去景點：太宰府天滿宮⛩距離市區40分鐘，近郊好去處。四季皆宜，仲係賞花勝地嚟㗎🌺嚟緊5,6月紫陽花盛開，真係必去～即刻睇下我嘅一日遊點玩啦👇🏻 我係由天神岀發，坐西鐵福岡比較方便離市區40分鐘。喺博多出發時間都差唔多不過唔係坐西鐵就要轉乘次數會多左～去太宰府架電車好靚好有特色(鐵路迷又要打下卡先🤣) 到站後，一岀到嚟有間一蘭，大排長龍！特別在於隻拉麵碗係五角形，好多人朝聖(圖6) 前往太宰府天滿宮途中會有好多引誘👅有多間美食小店，手信店。有間Miffy手信店必行(圖8)🐰大家又可以試吓食梅枝餅，呢度名物嚟！ 如果有選擇困難症唔知食咩，可以試吓跟住啲日本人排隊去個啲餐廳，通常都OK👀～仲有有間Starbucks好多人去打卡，係由著名建築師隈研吾設計(圖10) 而跟我一日遊嘅話當然有好嘢益大家啦，私心推薦大家嚟呢間昭和風cafe☕️百年建築，裝潢復古有特色🤎睇下(圖12)我呢個coffee jelly幾靚，用天鵝玻璃杯裝住㗎🦢仲飲咗杯咖啡，果香味偏重，酸度高。 嘆杯啡後再岀發啦！ 過小橋後就到太宰府天滿宮，係全國12,000座天滿宮當中嘅總本社，主要供奉學問，文化，藝術之神。所以見到有好多日本學生喺呢度祈求學業成績順利！而且呢度嘅御守大多都會有梅花圖案🌺係天滿宮嘅象徵，有學業同埋長壽等御守。 提提大家：嚟到記得摸下呢隻牛(圖18)聽聞摸完會聰明啲獲得智慧🧠 好啦，最後回程返天神啦，去完太宰府嘅感覺係覺得呢度有啲似京都嵐山，一樣有靚風景 神社同美食！唔知你地又覺得似唔似呢？🤣 想睇我更多日本旅遊分享記得like+follow我🇯🇵記得share埋比朋友睇！ 可以睇埋我其他日本近郊分享 👉🏻 #日本近郊好去處 資料來源: dazaifutenmangu.or.jp, ichiran.com Instagram: @dazaifutenmangu.official #日本好去處#旅行打卡#旅行美食#旅遊行程#日本之旅#春日賞櫻#日本打卡#九州#攻略#福岡#福岡景點#太宰府#太宰府天満宮#九州旅行#日本食玩瞓#日本靚景#日本自由行