【灣仔】有韓國當地風味嘅韓式外賣店

這間除咗有得買韓式小菜,韓牛之外,其實仲有好多韓式食品可以買,味道真係有韓國當地嘅感覺,今次我就揀咗 辣豬肉紫菜飯卷 $50 推薦指數💥:🌝🌝🌝🌝🌝 份量超多,一個人食都夠飽,辣豬肉食落唔會太辣,因為其他配料可以中和返,而且唔會包得太實,食落都幾爽口,而且食完唔會覺得好油膩 烤牛肉紫菜飯捲 $53 推薦指數💥:🌝🌝🌝🌝🌚 味道相對上會比辣豬肉淡身少少,不過佢牛肉其實都有條味所以食落唔會太淡味,麻油味會突出少少,係好傳統嗰種韓式飯卷的味道 魚餅串湯 (2pc)$20 推薦指數💥:🌝🌝🌝🌝🌚 唔知有冇人好似我咁,超鍾意食韓式魚餅/魚糕,所以每次見到都會叫,味道同係韓國街邊食的差不多,好食, 辣炒年糕 $45 推薦指數💥:🌝🌝🌝🌝🌚 唔會太辣,味道也不會太重口味,而且就算擺耐咗,個年糕都唔會變得好實,仲保持到煙靭,仲要有我鍾意食嘅魚糕 韓式辣炒豬肉拌飯 $65 推薦指數💥:🌝🌝🌝🌝🌚 份量超級多,不論係辣豬肉定係其他配料,撈勻咗之後基本上每一啖都有,而且仲會有半飯嘅靈魂,煎蛋!🤤令整體感覺昇華 ✨整體來講,因為真係韓國媽媽主理,所以味道方面一定有韓國當地嘅風味,而且可以揀嘅款式都幾多,如果喺附近返工都幾值得買來試吓 📍生生市場 地址💬:灣仔堅拿道西15號永德大廈地下G13號舖 #韓式料理#韓國美食#UCreator#假期推介#Foodie#外賣