望住維園食點心

圍爐順德菜 銅鑼灣糖街25-31號Sugar+ 16樓 舊鋪喺天后嘅時候已經成日幫襯，佢嘅特色順德中菜都幾唔錯。 之後搬咗去Sugar+ 環境就更加升級，有個靚靚維園景俾你望住嘆美食。 呢日過嚟食點心，見佢有個點心放題都幾抵食，平日 $138 假日 $148 (已包含茶芥及加一服務費)。 不過因為我哋唔算太餓，而且見佢點心可以一件起兩件止，所以就決定散叫。 兩個人叫咗春卷 (2條)、煎腸粉、奶王包 (1隻)、鮮竹卷、雞扎、蝦餃燒賣 (各兩件)、灌湯餃。 味道中規中舉，煎腸粉夠滑，春卷夠脆，其他點心都係正常發揮，只係嫌奶王包唔夠流心。 至於價錢，因為我哋係散叫，埋單連茶位同加一食咗$33x，計落好似揀放題會抵啲，所以決定下次再去過😆。 #中菜餐廳#美食推介#打卡美食#香港美食#港島美食